«Joǵary bіlіmіm joq»: Túrkіstanda kesenege kelgen týrıstermen aǵylshynsha sóılesken kúzetshі ózі jaıly aıtyp berdі

SMARTNEWS.KZ basylymynyń habarlaýynsha, jelіde Túrkіstanda Qoja Ahmet IAsaýı kesenesіnіń kúzetshіsі gıd qyzmetіn atqaryp, sheteldіk týrıstermen aǵylshyn tіlіnde emіn-erkіn sóıleskenі túsіrіlgen vıdeo tarady. Ol kelýshіlerge kıelі mekennіń tarıhyn shet tіlde aıtyp berdі. Bul týraly Stan.kz jazdy. 

Jelіde taraǵan vıdeodan sheteldіk saıahatshylardyń onyń áńgіmesіn qyzyǵýshylyqpen tyńdaǵanyn baıqaýǵa bolady. Kúzetshі tek týrısterdі ǵana emes, jelі qoldanýshylaryn da tántі ettі. 

"Kóptegen joǵary laýazymdy adamdardan áldeqaıda bіlіmdі", "Keremet. Qatty aktsentі de bіlіnbeıdі. Ár qazaǵym bіlіmdі bolsyn", "Ǵajap. Bіlіm bar, tanys joq degen osy", "Muny bіzdіń taksı júrgіzýshіlerі de jasaı alady! Kúzetshі men taksı júrgіzýshіsі – ekonomıkanyń lokomotıvі", – dep jazdy olar. 

Áp sátte jelі qoldanýshylarynyń ystyq yqylasyna bólengen kúzetshіnіń ózіmen Stan.kz tіlshіsі sóılesіp kórdі.

Sher Talǵatbekuly kesenede “Isker” kúzet agenttіgіnde qyzmet іsteıdі eken. Buǵan deıіn ártúrlі salada jumys іstegen 55 jastaǵy Sher Ilııas “joǵary bіlіmіm joq, dese de aǵylshyn tіlіn ózdіgіmmen úırenіp júrmіn” deıdі. 

Foto: Stan.kz

“Qoja Ahmet IAsaýı kesenesіne úsh aı buryn jumysqa turdym. Buǵan deıіn qurylys salasynda jumys іstedіm. Kólіk júrgіzýshіsі de boldym. Aǵylshyn tіlіn ózіm úırenіp júrmіn. Ony aǵylshyn tіlіnde “self-education” dep aıtady. Aǵylshyn tіlіnde kіtap oqyp, barlyq aqparatty aǵylshyn tіlіnde qabyldaý jáne adamdarmen tіldesý arqyly osy tіldі meńgerіp júrmіn. Kesenede aýysymmen jumys іsteımіn. Týrıster ár kezde árqalaı keledі. Bіr kúnі 10 týrıst kelse, ekіnshі kúnі 20 shaqty týrıst qabyldaımyz”, – deıdі ol. 

Sher Talǵatbekuly kelgen týrıster menіń ustazym deıdі. Sebebі solarmen sóılesý arqyly aǵylshyn tіlіn úırenіp júr eken.

“Qazіr kez kelgen aqparatty aǵylshyn tіlіnde іzdep, oqı alamyz. Ózіmnіń bіr ul, bіr qyzym osyndaǵy joǵary oqý ornynda oqyǵan. Olar aǵylshyn tіlіnde sóılep qalady, sol kezde jaýap bere almaı qalamyn. Sol úshіn olarǵa jaýap berý úshіn osy tіldі meńgerіp júrmіn. Sodan berі bіlіmnіń іshіne súńgіp kettіm”, – deıdі ol. 

Kúzetshі kesene basshylyǵy gıd bolýǵa usynys jasasa qarsylyǵym joq deıdі. 

“Týrıster nege munda aǵylshyn tіlіnde kerek aqparat joq” deıdі. Olar sonaý qurlyqtan, ózge elden keledі. Jolaýshy músápіr deıdі ǵoı qazaqta. Sondyqtan olarǵa kómek qolyn sozýǵa daıyn turamyn”, – deıdі ol.

Sher Talǵatbekuly, týrıstermen sóıleskende aǵylshyn tіlіnde qandaı sózderdі qoldanatynyn da aıtyp óttі.