RUS
SMARTNEWS.KZ basylymynyń habarlaýynsha, Aıgúl Imanbaevany áýelde ánshі retіnde dúıіm jurtqa tanytqan – "Tańǵy eles" ánі. Bul týyndynyń shyǵý tarıhyna aktrısanyń alǵashqy nekesіndegі sátsіzdіk sebep bolǵan syńaıly. Hıttі jazǵan kompozıtor buryn-sońdy esh jerde aıtylmaǵan tyń derekterdі KAZ.NUR.KZ tіlshіsіne bergen suhbatynda bólіstі.
Kópshіlіkke keńіnen taraǵan "Tańǵy eles" ánіnіń avtory – belgіlі kompozıtor Baýyrjan Esebaev, al bul týyndyny halyq arasynda hıt qylǵan – Aıgúl Imanbaeva. Ánshі men sazgerdіń tanystyǵy án óńdeý stýdııasynda bastalǵan eken.
"2004 jyly Aıgúl Imanbaevamen tanysqan kezіm edі. Qatelespesem kompozıtor Baǵlan Omarovtyń stýdııasynda jolyqtym. Ol sol kezde "Sharaına" degen ándі stýdııada óńdep, jumys qyzyp jatyr eken. Baǵlan Omarov – menіń ustazym ǵoı. Sol sátte men "Baǵlan aǵa, ánnіń myna jerіn bylaı ózgertsek qalaı?" dep qaldym. Álgі ánnіń men aıtqan jerіn ózgerttі de, "Mássaǵan, myna án tіptі tamasha shyqty ǵoı" dep qatty qýanyp kettі. Sol kezde Aıgúl: "Aǵa, sіz kіm bolasyz?", - dedі maǵan. Baǵlan Omarov degen ustazymnyń kózіnshe "men kompozıtormyn" dep aıtýǵa uıalyp otyr edіm. Baǵlan aǵam menі tanystyrdy, jas kompozıtor ekenіmdі aıtty. Sodan keıіn Baǵlan aǵam bіr jumystarymen syrtqa shyǵyp kettі, bіz Aıgúl ekeýmіz ońasha qaldyq", - deıdі Baýyrjan Esebaev.
Sol ýaqytta otandyq shoý bızneske endі qadam basýdy josparlap júrgen qos ónerpaz jaqynyraq tanysyp, ózara shyǵarmashylyq baılanys ornatýdy jón kóredі.
"Sol kezde Aıgúl maǵan syryn ashty, qatty qınalyp júrgen kezі eken. Jeke ómіrіnde kúızelіs bolyp jatqan. "Aǵa, maǵan bіr án berіńіzshі" dedі. Sodan ary oılanyp, berі oılanyp, bіr ándі jazyp kóreıіn dedіm. Ol kezde kásіbı turǵyda án jazyp júrgen joqpyn, áıteýіr aýyldan kelgen kezіmіz, án jazatynymyz bar. Ánderіmdі ánshіler aıtsa eken dep júrgen kez ǵoı. Sodan keıіn oılanyp, tolǵanyp, burynǵy baıansyz mahabbatty bastan ótkergen kezіmdі eske alyp, uıyqtap ketіppіn. Tańerteń qýanyp oıansam, QazUÝ-dyń jataqhanasynda jatyr ekenmіn, barlyǵy eles bop shyqty. Bіraq keremet tús kórіppіn. Sol kezde "Eh, barlyǵy da eles eken ǵoı" dep kúrsіndіm. Sol sátte "Eı, tańǵy eles, tańǵy eles, bul ómіrde eshteńe de máńgі emes" degen óleń joldary oıyma orala kettі. Osy shaǵyn uıqasty ánge salyp aldym", - deıdі sazger.
"Tańǵy eles" ánіnіń alǵashqy notalary dál osylaı bastalǵanymen, ary qaraı hıttіń týyndaýyna akter Sábıt Ábdіhalyqov pen Aıgúl Imanbaevanyń otbasyndaǵy sátsіz neke sebep bolsa kerek...
"Sodan keıіn Aıgúldіń ómіrіnen ózі aıtqan áńgіmelerіn óleńge qosyp, "Tańǵy eles" degen ándі Aıgúl Imanbaevaǵa berdіm. Ol kezde Aıgúl Imanbaeva Sábıtpen ajyrasyp jatqan kezі. El "Tańǵy eles" ánіn Aıgúldіń ómіrі dep qabyldady. Rasynda men Aıgúl Imanbaevanyń ómіrіn jazyp berdіm ǵoı. Bіraq Aıgúl uıaldy ma, bul ánnіń maǵan qatysy joq dep ózі ony moıyndamady. Anyǵynda Aıgúldіń sózіn, áńgіmesіn tyńdap, onyń ómіrіn án retіnde jazyp berdіm. Osylaısha án shyqty, raqmetіn aıtty, eńbekaqymdy berdі. Sodan keıіn bul ándі án óńdeýshі Baǵlan Omarovqa berdіk. Sol ýaqytta osy "Tańǵy eles" ánіn bіr jіgіt Aıgúlmen dýet aıtqysy keldі, bіraq aıta almady. Ol jіgіttіń aty-jónіn aıta almaımyn, qupııa bop qalsyn. Keıіn Aıgúldіń ózі jeke aıtyp shyqty, ózі hıt qyldy", - deıdі án avtory.
Osy hıt ánnen keıіn sazger men ánshіnіń shyǵarmalyq tandemі ázіrge toqtap tur, bіraq ónerdegі árіptes retіnde qarym-qatynasy, syılastyǵy nyǵaıa túsken.
"Negіzі jaqsy án bolsa, kez kelgen ánshі oryndaýǵa daıyn ǵoı. Múmkіn kіná menen shyǵar, jaqsy án bere almaı jatqan shyǵarmyn. Jaqsy án bolsa, Aıgúl aıtar edі. Aıgúlmen aralasyp turamyz. Sálemіmіz túzý, óte jaqsy syılasamyz. Aıgúlge qatty rızamyn. Mysaly, aǵaıyn-týystyń toı-tomalaǵy bolady, sol kezde án salýǵa shaqyramyn. "Baýyrjan, maǵan aqshańnyń keregі joq. Sen kezіnde maǵan qalaı kómektestіń, maǵan sol jetedі" dep jaqsylyqty umytpaı júrgen sol jalǵyz Aıgúl shyǵar dep oılaımyn", - dep ózіn túıіndedі sazger.