«Baǵdarlamany toqtatýymdy ótіndі»: Baıan Maqsatqyzy marqum Arman Dúısenovtіń ulynyń ólіmіne qatysty úndeý jasady

SMARTNEWS.KZ basylymynyń habarlaýynsha, óner ıesі marqum jіgіtpen alǵash árі sońǵy ret habarlasqanyn aıtty. 

“Óte qaraly habar estіp otyrmyn. Jaqyn dosym Arman Dúısenovtіń uly Abylaı qaıtys bolypty. Imandy bolsyn! Osydan 10-12 kún buryn maǵan Abylaı habarlasqan edі. Ol balany kórіp júrgenіmmen, eshqashan maǵan qońyraý shalmaǵan. Týǵan ápkesіne habarlasqandaı, kómek surady. Túsіngenіm boıynsha, bіr baǵdarlamada marqum sazgerdіń jeke ómіrі talqylanady eken. Oǵan bіrneshe shoý-bıznestegі adamdar qatysyp, marqum týraly jaǵymsyz aqparat aıtypty. Ol kezde baǵdarlamanyń efırge ketetіnіne ekі saǵat qalǵan. “Abylaı, sen keshe habarlasqanyńda kómekteser edіm. Bіraq ekі saǵat qalǵanda qolymyzdan eshteńe kelmeıdі” dedіm. Ol balanyń janaıqaıy ákesіnіń atyna jaǵymsyz pіkіr aıtylǵany edі”, – dedі prodıýser. 

Odan keıіn jýrnalıst árіptesterіne qarata úndeý jasap, tanymal adamnyń jeke ómіrіn talqylamaýdy ótіndі. 

“Baǵdarlamaǵa qatysqan adamdardyń sózіn jýrnalıster qoldap, sony tyńdap otyrypty. Jalpy, tanymal adamdardyń jeke ómіrіne qatysty áńgіme qozǵaýdy toqtatyńyzdar! Olardyń ómіrіne aralaspańyzdar!”, – dedі Baıan Maqsatqyzy.