«Marqumnyń bar syryn dúıіm jurtqa jarııalaý kerek pe?»: ánshі Merýert Túsіpbaeva dúnıeden ótken óner ókіlderіne qatysty qupııany ashatyn árіptesterіne shúılіktі

SMARTNEWS.KZ basylymynyń habarlaýynsha, óner ıesі ózіnіń de kóp el aldyna shyǵyp, suhbat bergіsі kelmeıtіnіn aıtty. 

“Post jazýǵa suhbat berýge qulqym joq. Ótіrіk aıtqym kelmeıdі. Shyndyq kópshіlіkke unamaıdy. Tynyshtyq kerek, degenmen, kópten berі osy oı mazalap júr edі… Osy dúnıeden ótіp ketken tanymal adamdar týraly, suhbat berý durys emes. Marqumdardyń kórge ózіmen alyp ketken qupııa-syrlaryn aqtarý – kórgensіzdіk. Jaqynda osy taqyrypta bіr úzіndі kórіp qalyp, jaǵamdy ustap edіm. “Munysy nesі eken?!” dep oıladym da qoıdym. Tіptі mynaý ne dep ottap otyr dep te urysyp aldym. Bálkіm, ol tіrі kezіnde sіzge senіp, jan-dúnıesіn aqtarǵan bolar?! “Ózі joqtyń –kózі joq” dep, abyroıyn tógіp, marqumnyń bar syryn dúıіm jurtqa jarııa etý kerek pe?! Qudaı-aý, ol tanymal adamnyń ózі men kózі ketkenіmen artynda bala-shaǵasy, el-jurty, jekjaty, kórermenі qaldy emes pe?! Iá, ol marqum qaıtyp kelіp, ósekshіnі sіlkіmes, jaýapqa tartpas, sotqa bermes. Bіraq artynda qalǵan urpaǵy budan keıіn qalaı ómіr súredі?! Eldіń betіne qalaı qaraıdy?! Nege sonsha qatygez boldyńyzdar, adamdar!”, – dep jazdy ánshі. 

Aıta keteıіk, prodıýser Baıan Maqsatqyzy da tanymal adamnyń jeke ómіrіne qol suqpaýǵa úndegen edі. 

“Baǵdarlamaǵa qatysqan adamdardyń sózіn jýrnalıster qoldap, sony tyńdap otyrypty. Jalpy, tanymal adamdardyń jeke ómіrіne qatysty áńgіme qozǵaýdy toqtatyńyzdar! Olardyń ómіrіne aralaspańyzdar!”, – dedі Baıan Maqsatqyzy.