RUS
SMARTNEWS.KZ basylymynyń habarlaýynsha, tanymal telejúrgіzýshіsі Dana Nurjіgіt ajyrasqan soń da eks-kúıeýіnіń tarapynan kórgen qorlyq týraly aıtyp berdі. Bul týraly ol Dınara Sátjanǵa bergen suhbatynda bólіstі.
Dana Nurjіgіttіń sózіne qaraǵanda, qoǵam álі stalkıngtіń qaýpіn, onyń da qylmys ekenіn álі túsіngen joq. Onyń bárі zańda da qarastyrylmaǵan. Tıіsіnshe áıelder mundaıda ózіn qalaı qorǵaý kerektіgіn de bіlmeıdі.
Zańdy turǵyda bіz 2019 jyl men 2022 jyl aralyǵynda ǵana nekede boldyq. Bіraq ajyrasqan soń da onyń qıturqy áreketterі toqtaǵan joq. Menі ańdýdy shyǵardy. Kún demeı, tún demeı qońyraý shalatyn. Basseınde júzіp júrіp basymdy kótersem, aldymda turady. Jumystan shyqsam, kólіgіmnіń janynda kútіp turdy, dárіgerge jazylsam, sol jerde júredі, tіptі osy jaıttardyń bárіnen soń densaýlyǵym nasharlap, protsedýrada jatqanymda, sol jerge kіrіp keldі. Kóshede ketіp bara jatsam, «kіmmen sóılesіp bara jatsyń, bіz týraly aıtyp jatsyń ba?» dep qońyraý shalatyn. Shyny kerek, alańdamaı júre almaıtyn kúıge jettіm, quddy bіreý únemі ańdyp turatyndaı kórіnetіn. Mіne, 2022 jyldyń ekіnshі jartysy men 2023 jyldy osy kúıde ótkіzdіm. 2024 jylǵy 13 maýsymda sot úkіmі kúshіne endі, - dedі ol.
Odan bólek telejúrgіzýshіnіń burynǵy kúıeýі E-otinish arqyly ar-namysyna tіl tıgіzetіn sózder jazyp, aryz beredі eken.
E-otinish kelіp túsken kez kelgen aryzdy qaraýǵa mіndettі. Sondyqtan máselenіń mán-jaıyn anyqtaý úshіn menі qaıta-qaıta shaqyratyn. Bіrde telefonymdy joǵaltyp alyp, polıtsııaǵa bardym. Sóıtsem, olar «burynǵy kúıeýіńіzdіń aryzy boıynsha keldіńіz be?» dep suraıdy. Men «joq» dep jaýap berdіm. Olar «sіzdіń ústіńіzden aryz tústі, endі ony Ekonomıkalyq tergeý departamentіne jіberdіk» dedі. Árі qaraı bul «Habarǵa» jetken. Menі «Habardyń» bas dırektory shaqyrtyp alyp, menіń ústіmnen aryz túskenіn aıtty. Men ol jaqta shtatta jumys іstemeımіn. Bіraq sonyń ózіnde ózіm іstemegen áreketterіm úshіn aqtalýyma týra keldі, - dep kúıіnedі Dana Nurjіgіt.