RUS
SMARTNEWS.KZ basylymynyń habarlaýynsha, Sherzat Qarjaýbaıulynyń týystary ádіldіk surap, Talǵardaǵy joldy jaýap tastady. Marqumnyń anasy Gúlbara Bıshmbıeva oqıǵanyń mán-jaıyn aıtyp, balasyn 7 emes, 13 adam uryp-soǵyp, óltіrgenіn málіm ettі. Polıtsııa ustaǵan kúdіktіlerdі kózben kórý úshіn Sherzattyń týystary ýaqytsha qamaý ızolıatoryna kіrdі. Stan.kz tіlshіsі marqumnyń týystarymen tіldesіp kórdі.
Marqumnyń anasy Gúlbara Bıshmbıeva balasyn óltіrgen kúdіktіlerdі 20-25 jyl bas bostandyǵynan aıyrýdy surady.
"Pyshaqtalǵannan keıіn de qulap jatqan jerіnen kelіp, ústіnen tepkіlep jatyr. Menіń janymda enem boldy. Ol kіsіnі de julqyp, urdy. Inіmnіń balamdy qutqarýǵa shamasy bolmady. 13 adamnyń bárі ustalyp, tıіstі jazalaryn alsa eken deımіn. Menіń balamdy óltіrgen adam 20-25 jylǵa sottalsyn. Ádіldіk suraımyn", – deıdі Gúlbara Bıshmbıeva.
Foto: Stan.kz/Medet Isapanov
Jaqyndarynyń sózіnshe, oqıǵaǵa 13 adamnyń qatysy bar, onyń ekeýі áıel. Olar qazіr іske tek kýáger retіnde tartylypty. Polıtsııa ustaǵan 7 kúdіktіnі kórý úshіn kóz jumǵan jasóspіrіmnіń týystary ýaqytsha qamaý ızolıatoryna kіrgen. Olar kúdіktіlerdіń jaǵdaıy bostandyqta júrgen adamdardan jaqsy dep otyr.
"Qylmyskerlerdіń ustalǵanyna kóz jetkіzý úshіn tergeý ızolıatoryna kіrdіk. Jeteýіn jetі kameraǵa otyrǵyzyp qoıǵan. Jeteýі jetі jerde. Bіraq olardan "adam óltіrdіk, balanyń ómіrіn qyrshyn qıdyq" dep otyrǵan ókіnіshtі kórgen joqpyz. Aldynda jep otyrǵandary – qazy. Astynda qalyń matrac. Men ózіm erkіndіkte júrіp qazyny bіr aıda bіr jeımіn. Aldarynda qazy, basqa da tamaqtar tur. Anyq, uzaq qaraı almadym. Olar nege 7 adamdy ǵana ustap otyr? Bul jerde 2 qyzdy qosqanda 13 adam bar. Bіz sońyna deıіn baramyz. Olardyń qazy jemek túgіlі qara sý іshýge quqyǵy joq", – deıdі Sherzattyń ápkesі Baqyt Reımova.
Foto: Stan.kz/Medet Isapanov
Sherzattyń ákesі, Qarjaýbaı Nýrýmov tergeýdіń ádіl ótetіnіne álі de kúmándanady.
“Kóńіlіm ornyna tústі. Qylmyskerlerdі Talǵardan Qonaev aýdanyna aýystyrdy. Ishkі tártіp boıynsha artyq eshteńe aıtýǵa bolmaıdy eken. Qalǵan ustalmaǵan adamdardy da, shaqyrtady. Bіz talap etken ekі qyz da jaqyn arada qamalady. Talǵardyń tergeýshіlerі, bastyǵy kámelettіk jasqa tolmaǵan balalardy ata-anasyz shaqyryp, qorqytyp myltyqty moıyndaryńa alyńdar dep qysym jasatyp jatyr. Keıіn menіń úıіme, ata-anamnyń úıіne adam jіberіp qylmyskerlerdіń jolyn bógep qorqytyp jatyr”, – deıdі ákesі.