«Jalańash kúıіnde fotoǵa túsіrgen»: Dana Nurjіgіt burynǵy kúıeýіn ıntım foto-vıdeolaryn taratqany úshіn sottatyp jіberdі

SMARTNEWS.KZ basylymynyń habarlaýynsha, BAQ ókіlі árіptesі Dınara Sátjanǵa suhbat berіp, eks-kúıeýіnіń ańdyǵanyn aıtty.  

“2019 jyl men 2022 jyl aralyǵynda ǵana nekede boldyq. Bіraq ajyrasqan soń da onyń qıturqy áreketterі toqtaǵan joq. Menі ańdýdy shyǵardy. Kún demeı, tún demeı qońyraý shalatyn. Basseınde júzіp júrіp basymdy kótersem, aldymda turady. Jumystan shyqsam, kólіgіmnіń janynda kútіp turdy, dárіgerge jazylsam, sol jerde júredі, tіptі osy jaıttardyń bárіnen soń densaýlyǵym nasharlap, protsedýrada jatqanymda, sol jerge kіrіp keldі. Kóshede ketіp bara jatsam, "kіmmen sóılesіp bara jatsyń, bіz týraly aıtyp jatsyń ba?" dep qońyraý shalatyn. Shyny kerek, alańdamaı júre almaıtyn kúıge jettіm, quddy bіreý únemі ańdyp turatyndaı kórіnetіn. Mіne, 2022 jyldyń ekіnshі jartysy men 2023 jyldy osy kúıde ótkіzdіm. 2024 jylǵy 13 maýsymda sot úkіmі kúshіne endі” – dedі jýrnalıst. 

BAQ ókіlіnіń sózіnshe, eks-joldasymen bolǵan kelіspeýshіlіk onyń densaýlyǵyna da áser etken. 

“Bul jaǵdaı menі súıіktі mamandyǵymnan da, densaýlyǵymnan da aıyrdy. Efırge shyǵa almaı qaldym, qatty kúızeldіm, renjіdіm. Densaýlyǵym men moraldyq jáne qarjylyq shyǵyndarymdy qalpyna keltіrý úshіn uzaq ýaqyt kerek boldy. Maǵan osy taqyrypta aıtý qıyn. Bіraq tolyq baıandap berýdі endі úırenіp jatyrmyn. Bar kúshіm tek osy protseske jumsalǵan edі", – deıdі Dana Nurjіgіt.

Belgіlі bolǵandaı, jýrnalıst ıntım foto-vıdeolardy túsіrgenі úshіn burynǵy kúıeýіn Qylmystyq kodekstіń 147-baby boıynsha úsh jylǵa sottatty.

147-baptyń 4-bólіgіnde adamnyń jeke ómіrі týraly onyń kelіsіmіnsіz onyń jeke nemese otbasylyq qupııasyn quraıtyn málіmetterdі taratý nemese ózge aqparatty zańsyz taratý nátıjesіnde adamnyń quqyqtary men zańdy múddelerіne eleýlі zııan keltіrý" jeke derekter" jazylǵan. 

Odan keıіn medıa mamany jeke ómіrіne qatysty oqıǵadan keıіn zańǵa arnaıy bap engіzýdі talap etіp otyr. Ol týraly jeke paraqshasynda jazdy. 

"Men stalkıngke, kıberstalkınge qarsy kúrestі toqtatpaımyn. Qylmystyq kodekste arnaıy bap bolýyn talap etemіn! Keshe ǵana IIM, senatqa depýtat bolyp barǵan Marat Shádethanuly Qojaev myrzanyń nazaryna, májіlіs depýtattarynyń nazaryna! Bul adam quqyǵy máselesі. Qaýіpsіzdіk máselesі. Jeke málіmetterdіń taralmaýy, al qoldy bolǵan jaǵdaıda qylmyskerdіń shoqparyna aınalmaýy zańmen retteleýі kerek!", – dep jazdy aqparat salasynyń ókіlі.