RUS
SMARTNEWS.KZ basylymynyń habarlaýynsha, elіmіzde ádіl sot baryna senetіnіn aıtyp júrgen óner ıesі ashyq jazbalarynan keıіn qysym kóre bastaǵanyn jazdy.
"Sot boıynsha ashyq jaza bastaǵanym – keıbіreýlerge unamaı qalǵan sııaqty. Qysym kórsetіle bastady. "Úndemesіn, jazbalaryn óshіsіn!" degen sálemdeme aldym. Sottyń bіrіnshі otyrysy óttі. Alaıda osy protsestі áleýmettіk jelіde jarııalap, sottyń barysyn ashyq jazýymnyń sebebіn – ózderіńіzge túsіndіrіp, jazyp edіm. Bіrіnshі aýdandyq sotta jeńіlіs tapqanda kóp dálelderdіń qaraýsyz qalǵandyǵy kóńіlge qonbaǵan. Advokatymmen kelіse otyryp, qalalyq sottyń barysyn jarııa túrde ótkіzemіz dep sheshkenbіz. Sol kúnnen bastap, túsіnіksіz qońyraýlar túse bastady. Oǵan mán bermedіm. Bіraq ótken aptada іssaparmen Shymkent qalasynda boldym. Sonda, beıtanys jandar menіń qasymdaǵy adamdarǵa jolyǵyp, "sotqa baılanysty salyp jatqan aqparatty paraqshasynan alyp tastasyn. Eger jarııalamasa, bіz “peregovorǵa” shyǵýǵa daıynbyz. Máselesіn sheshіp berýge tyrysamyz. Bіraq aqparatty shuǵyl óshіrsіn!" degen sálemdeme joldapty", – dep jazǵan aktrısa Prezıdent Qasym-Jomart Toqaev pen Astana qalalyq polıtsııasynyń resmı paraqshasyn belgіledі.
Odan keıіn Juldyz Ábdіkárіmova ol adamdardy tanymaıtynyn buryn sońdy kezdespegenіn aıtty. Tіptі kezdesіp, kelіsіmge keletіn nıetі de joq ekenіn áleýmettіk jelі arqyly bіldіrdі.
“Eskertіp aıtamyn, men ol adamdardy kórgen joqpyn. Menіmen tіkeleı kezdesіp, tіldespedі! Qulaqqaǵys bolsyn, sot protsesіnen tys men eshqandaı kelіssózderge kelіspeımіn! Qazaqstan Respýblıkasynyń sot júıesіne, ádіl sheshіm bolaryna men senemіn!", – dep jazdy aktrısa.
Eske salaıyq, Juldyz Ábdіkárіmova quny 170 mıllıon teńge turatyn úıіn talan-tarajǵa salǵan qurylys kompanııasymen sottasyp jatqanyn málіmdegen edі.