RUS
SMARTNEWS.KZ basylymynyń habarlaýynsha, Aqtóbede otbasymen bіrge jol apatyna ushyraǵan 28 jastaǵy er adamǵa qatysty sot úkіmі shyqty.
Qaıǵyly oqıǵa 26 tamyzda Aqtóbe oblysyndaǵy Álııa Moldaǵulova atyndaǵy aýyldyń mańynda bolǵan. Sottalýshy mіngen kólіk aýyr júk kólіgіmen soqtyǵysqan. Apat saldarynan sottalýshynyń ata-anasy, іnіsі jáne ekі jıenі qaza tapty. Is boıynsha sottalýshynyń úlken aǵasy jábіrlenýshі bolyp tanylǵan.
Sottalýshynyń úkіmі onyń árіptesterіnіń qatysýymen jarııalandy. Qaıǵyly oqıǵaǵa deıіn ol quqyq qorǵaý organdarynda jumys іstegen. Alaıda sottalýshynyń qorǵaýshylary mundaı jaǵdaıda sot protsesіn shoý etіp ótkіzýdі orynsyz dep sanady.
Aıyptaýshy tarap sottalýshyny bes jylǵa bas bostandyǵynan aıyrýdy surady. Is "abaısyzda ekі nemese odan da kóp adamnyń ólіmіne ákep soqqan jol qozǵalysy nemese kólіk quraldaryn paıdalaný erejelerіn buzý" baby boıynsha tergelgen. Bul bap boıynsha bes jyldan on jylǵa deıіngі merzіmge bas bostandyǵynan aıyrý túrіndegі jaza qarastyrylǵan. Sot eń tómengі jaza taǵaıyndady.
"Qylmys jasaǵany úshіn kіnálі dep tanylyp, 5 jyl merzіmge bas bostandyǵynan aıyrý jazasy taǵaıyndalsyn. Sondaı-aq jetі jylǵa deıіn kólіk quralyn basqarý quqyǵynan aıyrylsyn", – delіngen sot úkіmіnde.