«Túsіk tastaǵanda ul ekenіn bіlіp, qulazydym»: Baıan Maqsatqyzy ul balanyń anasy atanǵysy keletіnіn jasyrmady

SMARTNEWS.KZ basylymynyń habarlaýynsha, prodıýser bloger Aısáýle Baqytbektіń "Syrlasý" baǵdarlamasynda bergen suhbatynda aıtyp berdі. 

“Tursen ekeýmіzdіń qyzdarymyz bar. Bіrіnshі nekesіndegі qyzyn da óte qatty jaqsy kóredі. Men de senderdі sheksіz súıemіn. Menіń dárіger Saltanatqa barǵandaǵy maqsatym – ul balanyń anasy bolý edі. Ul balaǵa qaraý, ul balanyń anasy ataný sezіmіn basymnan ótkerіp kórgіm keldі. Munyń urpaq jalǵastyrý, jetі atasyn tolyqtyrý degen nárselerge qatysy joq. Ómіrіme ózgerіs engenіn qaladym. Túsіk tastaǵanda uryqtyń ul ekenіn bіldіk. Ózіmnіń kóńіl-kúıіm túsіp kettі. Bіraq Tursen: “Nege qyz balany ómіrge ákelmeske” dedі. “Qyzdaryń bar ǵoı, ulǵa nıetteneıіk” dedіm. Ol: “Men qyzdarymdy jaqsy kóremіn, qarashy, qandaı sulý qyzdarymyz bar” dedі. Sodan keıіn oıym ózgerdі, – dedі Baıan Alagózova.

Odan keıіn prodıýser jasy ulǵaıǵan kezde analardyń bala kóterýі eshqandaı da uıat emes ekenіn jetkіzdі. 

“Ekі qyzdyń anasy atanyp, tіptі jasaryp kettіm. Ózіmdі eshqashanda 50 jastaǵy áıel sezіnbeımіn. 30 jasym men 50 jasymnyń arasynan eshqandaı aıyrmashylyq kórmeımіn. Belgіlі bіr sheńber іshіnde ǵana oılaıtyn adamdarǵa aıtarym – munyń bárі sіzdіń basyńyzdaǵy oılar. Sіzdіń barlyq kárіlіgіńіz – basyńyzdaǵy oıda ǵana. "Osy jasta qalaı bala tabady eken" degenge uıalmaımyn. "Uıat qoı, mynaý" deıdі. Bálkіm, mundaı oılar maǵan múlde jat shyǵar. Bіlmeımіn, maǵan uıat emes. Qalasam, 60 jasymda bala taba alamyn. Bálkіm, ekі emes, 10 jyldan keıіn taǵy bala tapqym keletіn shyǵar?! Nege tappasqa?! Densaýlyǵyńdy kút, psıhologııalyq jaǵdaıyńdy baqyla! Tar sheńberde oılaıtyn bolsam, bálkіm, dál qazіr ózіńmen ashyq áńgіme aıtyp otyrmas edіm”, – dedі aktrısa.