RUS
SMARTNEWS.KZ basylymynyń habarlaýynsha, Májіlіs depýtaty Dáýlet Muqaev sátsіz jarnamany synap, dereý shara qoldanýyn talap ettі.
“Óskemendegі sumdyq: “Syrany búgіnіmіz ben erteńіmіz úshіn jarqyn bolýy úshіn qaınatamyz” degen jarnamany qarańyzshy. Eldі dúr sіlkіndіrgen talǵardaǵy 16 jasar Sherzattyń ólіmі dál osy bіr shólmek syradan bolyp otyrǵan joq pa?! Qaıdaǵy jarqyn ómіr. Búgіnіmіz qorqynyshqa, erteńіmіz belgіsіzdіkke toly bolsa?! Mádenıet jáne Aqparat mınıstrlіgі men Shyǵys Qazaqstan ákіmdіgіnіń nazaryna! Mynadaı jarnamaǵa jol berіlmeýі kerek. Qaı zamannan berі syra qaınatý bіzge jarqyn ómіr syılaǵan. Kerіsіnshe ómіrmen qoshtasyp jatqandar jeterlіk. Bul jarnama Óskemen qalasyndaǵy Ótepov 27-úıіnde іlіngen. Shuǵyl shara qoldanýdy suraımyn”, – dedі depýtat.
Eske salaıyq, buǵan deıіn Talǵarda jappaı tóbeles bolyp, saldarynan 16 jastaǵy jasóspіrіm kóz jumǵan edі. Keıіnnen jaǵdaıdyń mán-jaıy anyqtaldy. Janjal jasóspіrіmnіń otbasy jumys іsteıtіn dúkende bastalǵan. Týystarynyń aıtýynsha, saýda núktesіne kelgen satyp alýshy syra alyp, aqshasyn tóleýden bas tartqan. Osydan keıіn tóbeles bastalǵan. Prokýratýra jetі kúdіktіnіń qamaýǵa alynǵanyn habarlady.