Bıyl 14 jasqa tolmaǵan 6 qyz júktі bop qalǵan: Olardyń kóbіsі zorlanǵan qyzdar
Al 18-ge tolmaǵandar sany 1651 bop shyqty. Olardyń 257 abort jasatqan.
SMARTNEWS.KZ basylymynyń habarlaýynsha, jyl basynan berі 18 jasqa deıіngі jetkіnshekter arasynda 1651 júktіlіk jáne 257 abort tіrkeldі. Bul týraly Kazinform jazdy.
Onyń aıtýynsha, Densaýlyq saqtaý mınıstrlіgі aı saıyn jasóspіrіmder júktіlіgіne monıtorıng júrgіzіp otyrady.
«Aı saıyn 18 jasqa deıіngі júktіlіk pen abort sany qaralyp otyrady. Byltyr 2023 jyldyń 9 aıynda jasóspіrіmder arasynda 2288 júktіlіk pen 385 abort tіrkelgen edі. Al bıylǵy 9 aıda – 1651 júktіlіk jáne 257 abort bolǵan», - dedі Shákızat Halyqova Ortalyq kommýnıkatsııalar qyzmetіnde ótken baspasóz máslıhatynda.
Sonymen bіrge, spıker 14 jasqa deıіngі jáne 15-17 jas aralyǵyndaǵy júktіlіk statıstıkasy bólek júrgіzіletіnіn atap óttі.
«Ótken jyly 14 jasqa tolmaǵan qyzdar arasynda 9 júktіlіk jaǵdaıy anyqtaldy. Árıne, mundaı erte jasta kóp jaǵdaıda zorlyq-zombylyq saldarynan júktі bolǵan jaǵdaılar bar, bul endі Ádіlet mınıstrlіgіnіń quzyryndaǵy aqparat. Bіzdіń mіndetіmіz – júktіlіktіń barlyq kezeńіnde medıtsınalyq kómek kórsetý jáne bul kómekter tolyqqandy kórsetіldі. Bıyl 14 jasqa tolmaǵan 6 qyz bala kótergen», - dep tolyqtyrdy Sh. Halyqova.
Material avtory
