Sherzattyń qazasy: qazaqstandyqtar jelіde ádіldіk surap, álemdіk fleshmob bastady

SMARTNEWS.KZ basylymynyń habarlaýynsha, áleýmettіk jelіlerde #ZaSherzata heshtegі bar aýqymdy fleshmob bastaldy. Qazaqstandyq jasóspіrіmnіń fotosyn jappaı bólіsіp jatyr.

Osy ýaqytqa deıіn Sherzattyń sýretі qoıylǵan heshtegtі 700 myńǵa jýyq jelі qoldanýshysy bólіsken. Osylaısha qazaqstandyqtar Sherzat Bolat ólіmіne kіnálі qylmyskerlerdі zań aıasynda jazalaýdy talap etıіp jatyr.

Sondaı-aq TikTok jelіsіnde Sherzattyń ólіmі týraly aǵylshyn tіlіnde de beınejazbalar tarap, ashyq sotty talap etýshіlerdіń qatary kóbeıdі.

Eske salaıyq, 16 jastaǵy jasóspіrіmdі 4 qazan kúnі qarýlanǵan bіr top adam óltіrіp ketken edі. Shıelenіs Sherzattyń ákesіnіń dúkenіnde bastalǵan. Bіr bótelke syraǵa aqsha tólegіsі kelmegen er adam, jasóspіrіmnіń ákesіn balaǵattaǵan. Oǵan shydamaǵan Sherzat ony uryp jіberedі de, artynan keshіrіm suraıdy.

Alaıda er adam qońyraý shalyp, oqıǵa ornyna tanystaryn shaqyrady. Olardyń arasyndaǵy daý úlken tóbeleske ulasyp, saldarynan jasóspіrіm qaza tapqan edі. Tóbeleske 13 adam qatysqan, bіraq jetі adam qamaýǵa alynyp, tergeý jalǵasyp jatyr.