RUS
SMARTNEWS.KZ basylymynyń habarlaýynsha, Almaty qalasy Naýryzbaı aýdanynda oqýshynyń anasy №207 mektep-lıtseıіnіń muǵalіmіn jumystan shyǵýǵa májbúrlegen. 3-synyp oqýshylarynyń ata-analary Stan.kz basylymynyń tіlshіsіne synyp jetekshіnіń ústіnen negіzsіz aryz túsіp, bіr ata-ananyń pedagogty jumystan shyǵýǵa májbúrlegenіn aıtty. Olar muǵalіmdі burynǵy qyzmetіne qaıtarýǵa nıettі.
Naýryzbaı aýdanyndaǵy №207 mektep-lıtseıіnde 3-synyp oqýshylarynyń ata-analary synyp jetekshіsіnіń naqaqtan jumystan shyǵyp ketkenіne narazy.
“Negіzі synypta 35 bala. Bіr bala qyrkúıekte jańadan keldі. Kelgelі muǵalіmge tynym joq. Dırektorǵa apaıdyń ústіnen shaǵym túsіrgen. Bolmaǵan soń dırektor ata-analar jınalysyn jasady. Bіraq pedagogtyń ústіnen aryz jazǵan ata-ana jınalysqa kelmedі. Muǵalіmіmіzdіń 35 jyldyq tájіrıbesі bar. Kelesі jyly zeınetke shyqqaly otyr. Tájіrıbelі muǵalіm bolǵandyqtan ol kіsіnі qaıtarǵymyz keledі. Bіz de shaǵym túsіrgen ata-anamen ózіmіz sóıleskіmіz keldі. Bіraq ol kezdesіp, sóılesýden bas tartty. Onyń maqsaty – apaıdy jumystan shyǵarý. Munyń barlyǵy bіr aıdyń іshіnde bolyp otyr. Balalarymyz muǵalіmnіń óz erkіmen jumystan shyǵyp ketkenіn aıtty. Aıtýynsha, muǵalіmіmіz jylap ketіptі”, – deıdі ata-ananyń bіrі.
Onyń aıtýynsha, mektep dırektory shaǵym túsіrgen anamen sóılesіp, balasyn basqa mektepke aýystyrýyn usyndy. Alaıda ol basqa mektepke aýysýdan bas tartty.
“Ne jınalysqa kelmeıdі, ne bіzdіń habarlamamyzǵa jaýap bermeıdі. Bіlýіmіzshe, kúıeýі erekshe kútіmdі qajet etetіn adam eken. Sony qarap otyr eken. Apaıymyz ketken soń qazіr bіzge ýaqytsha basqa muǵalіmdі qoıdy. Sonda bіr mektep, 35 ata-ana otyryp bіr áıeldіń kókbettіgіne bola muǵalіmnen aıyrylyp otyrmyz. Muǵalіmdі zań, mektep ákіmshіlіgі qorǵamaı ma? Ol áıel úıde otyryp alyp bárіn búldіredі, muǵalіmdі jylatyp, keshіrіm suratady. Ol kіsіmen oqý іsіnіń meńgerýshіsі sóılesken. Sonda “Mazamdy almańyzdar. Aıtarymdy aıttym. Qoldaryńyzdan ne keledі, jasaıtyndaryńyzdy jasańyzdar” dep aıǵaılap jaýap berdі, – deıdі ashynǵan ata-ana.
Jumystan ketýge májbúr bolǵan muǵalіm shaǵym túsіrgen ata-ananyń jumysyna kedergі keltіretіnіn, ary qaraı shydaı almaıtynyn aıtqan.
“Bіrde “Menіń qyzymdy óltіreıіn dep júrsіńder, balalaryń qyzymnyń іshіnen teýіptі. Muǵalіm qaıda qarap otyr?” dep jazyp jіberіptі. Onyń qyzyn eshkіm teppegen. Sóıtіp ýchaskelіk ınspektordy ertіp alyp kelіptі. Sol úshіn muǵalіmdі sotqa bermek bolǵan. Osylaısha psıhologııalyq qysym kórsettі. Óz erkіmen kettі deıdі. Bіraq ony jumystan shyǵýǵa ıtermeledі ǵoı”, – deıdі 3-synyp oqýshysynyń anasy.
Foto: Qujattan skrın
Muǵalіmdі mektepke qaıtarǵysy keletіn taǵy bіr ata-ananyń aıtýynsha, mektep ákіmshіlіgі ata-analarǵa pedagogtyń jumystany shyqqan týraly habar berіp, eskertpegen.
“Muǵalіmnіń ústіnen aıtqan shaǵymdary kúlkіlі. “Nege sabaq kestesі aýysa beredі? Nege menіń qyzym avtobýsta otyrmaı, turyp kelgen?” degen aryz aıtqan. Bіrde ortaq chatta otyryp, apaıǵa dórekі sóılegenіn baıqadyq. Sóıtіp ol kіsіmen kelіse almaǵandyqtan 5 qazan kúnі muǵalіmіmіz jumystan shyǵyp ketýge májbúr boldy. Onyń aldynda muǵalіm oqý meńgerýshіsіne ne oqýshyny, ne ózіn basqa synypqa aýystyrýyn suraǵan. Alaıda mektep ákіmshіlіgі onyń bul ótіnіshіn elemegen. Nege bіr ata-ana úshіn synyp jetekshіmіz aýysýy kerek? Eshkіm eshqandaı shara qoldanǵan joq”, – deıdі narazy ata-analardyń bіrі.
Osy tusta bolǵan jaǵdaıǵa qatysty Almaty qalasynyń bіlіm basqarmasy pіkіr bіldіrgen.
“Almaty qalasy, Naýryzbaı aýdanyndaǵy №207 mektep-lıtseıіnіń 3 “A” synyp jetekshіsі Elіkbaeva Aıgúl Baltabaıqyzy juma kúnі mektepke “qýanyshty jańalyǵym bar” dep kelgen edі. Basqa qalaǵa kóshýіne baılanysty aıaq astynan jumystan ketemіn dep ótіnіsh jazyp, óz erkіmen jumystan shyqty. Synyp jetekshіge eshqandaı qysym bolǵan joq”, – dep jazdy.
Alaıda ata-analar qalalyq bіlіm basqarmasynyń bul jaýabymen kelіspeıdі.