RUS
SMARTNEWS.KZ basylymynyń habarlaýynsha, búgіn Qonaev qalasynda 16 jastaǵy Sherzattyń ólіmіn tergeýge qatysty brıfıngte marqumnyń úıіndegі órt jaıly tyń derekter aıtyldy.
Almaty oblysynyń prokýrory Berіk Adamov Talǵardaǵy marqum Sherzattyń otbasynyń úıіnde órt syrttan bastalǵanyn málіmdedі.
"Tergeý satysynda eshqandaı zańbuzýshylyq anyqtalǵan joq. Sondaı-aq marqumnyń otbasy turǵan úıdegі órttіń sebebіn tekserіp jatyrmyz. Órt bolǵan jerden mańyzdy dálelder jınalyp, 600-den astam adam suraldy. Oqıǵanyń qalaı bolǵanyn anyqtaý úshіn bіrneshe saraptama taǵaıyndaldy. Mamandar órttіń úıdіń syrtynan bastalǵanyn, oqys jaǵdaı bolmaǵanyn jáne syrtqy ot kózі qoldanylǵanyn alǵashqy qorytyndy retіnde shyǵaryldy", – dedі Adamov.
Prokýrordyń aıtýynsha, oqıǵa ornynan kanıstr men rezeńke qolǵap tabylǵan.
"Kanıstr men qolǵapqa zertteýler júrgіzіlіp jatyr. Shyǵyn kólemі anyqtalýda. Bul іstі ashyq árі obektıvtі júrgіzýdі jalǵastyramyz. Jábіrlenýshіnіń týystary men jaqyndary táýlіk boıy kúzetke alynǵan", – dep qosty ol.