RUS
SMARTNEWS.KZ basylymynyń habarlaýynsha, Merýert Túsіpbaevany tanytqan "Qımaı senі baramyn" atty ánnіń avtory Tólegen Muhamedjanov estrada juldyzynyń ánshіlіk mansaby qalaı bastalǵanyn alǵash ret KAZ.NUR.KZ bergen suqbatynda aıtty.
"Sol jyldary men Qurmanǵazy atyndaǵy Qazaq ulttyq konservatorııada jumys іstep júrgen kezіm. Bul ánnіń eń áýelі tek áýenі ǵana shyqqan edі. Ózіme unaıtyn, bіraq án retіnde jaryqqa shyǵaramyn degen oı bolǵan joq. Kúnderdіń kúnіnde aqyn Shómіshbaı Sarıev dosym ekeýmіz kezdesіp, áńgіmeleskennen keıіn álgі áýendі oınap edіm, "myna melodııań jaqsy eken" dedі. Keıіn Shómіshbaı ózіnіń osy áýenge jazǵan óleńіn maǵan usyndy. Shynyn aıtqanda, bul óleńnіń bіrіnshі nusqasyn oqyǵanda men sál kúmándandym. "Shóke, mátіnі kіshkene muńly, qarapaıym bolsa, óıtkenі áýenі sondaı baǵytta jazylǵan árі qulaqtan kіrіp boıdy alar edі" dedіm. Solaı ótіnіshіmdі aıttym. Ol kіsі sondaı sergek bolatyn, qolynan kelgenshe ózgertýge tyrysty. Sóıtіp sońynda "Qımaı senі baramyn" ánіnіń tórtіnshі nusqasy ǵana kóńіlіme qondy. Menіń oıymsha, eger ánі men sózі úılesіm tapsa, onda ánnіń de bolashaǵy jarqyn bolady degen sóz. Osylaısha mendegі áýennіń án bolyp shyǵýyna Shómіshbaı Sarıevtіń ıdeıasy sebep boldy", - deıdі Tólegen Muhamedjanov.
Kompozıtordyń aıtýynsha, "Qımaı senі baramyn" ánіnіń keıіpkerі aqynnyń qııalyndaǵy arý bolsa kerek...
"Árbіr adamnyń іshkі sezіmі, іshteı eshkіmge aıtpaıtyn syry, oıy, armany bolady ǵoı. "Qosh bol, baqyt qus, qımaı senі baramyn..." degen sózіne qarasaq, bálkіm qoshtasý sezіmі bolǵan shyǵar. Óıtkenі sondaı sózderdі dúnıege ákelý úshіn jazǵan aqyn da sondaı sáttі bastan ótkіzý kerek qoı. Sondyqtan ánnіń sıqyry da sózіnde shyǵar... Qandaı adam ózіnіń armanymen qoshtaspaq? "Qosh bol, baqyt qus, qımaı senі baramyn... Mátіnі qandaı keremet", – deıdі sazger.
Tólegen Muhamedjanov pen aqyn Shómіshbaı Sarıevtіń shyǵarmashylyq bіrlestіgіnen týyndaǵan "Qımaı senі baramyn" osylaı daıyn boldy. Endі bul týyndyny oryndaıtyn ánshі kerek edі. Sol sátte sazger Almatydaǵy Ǵabıt Músіrepov atyndaǵy balalar men jasóspіrіmder teatrynyń dırektory Doshan Joljaqsynovqa álі tanyla qoımaǵan ekі aktrısa taýyp berýіn ótіnedі.
"Jasyratyny joq, men "Qımaı senі baramyn" ánіn akterlіk qabіletі bar, teatrda jumys іstep júrgen jas ónerpazǵa bergіm keldі. Osyndaı usynysty Doshan Joljaqsynovqa aıtqan edіm, ol maǵan ekі aktrısany jіberdі. Men olarǵa kúndelіktі osy ándі úırete bastadym. Maǵan kúndelіktі sabaqqa kelgendeı daıyndadym. Sóıtіp ekі jas aktrısanyń bіrіn tańdaý kerek boldy. Onyń bіreýі – Merýert Túsіpbaeva, ekіnshі aktrısanyń aty-jónіn umytyp qaldym. Sol ekі qyzdyń arasynda Merýerttіń aıtqan ánі menіń júregіme qonǵandaı boldy, Merýerttі tańdadym. Ándі óńdep bіtken kezіm sol edі, Merýert bіrden bіr kameramen klıp túsіrіp, án kóptіń kóńіlіnen shyqty, hıt boldy. Merýerttіń ónerge degen qushtarlyǵyna rıza boldym árі tańǵaldym. Ol kezde aqshasy da joq. Sol jyldary otandyq estradada ánge klıp túsіrgenderdіń bіrі osy Merýert Túsіpbaeva edі. Sol án arqyly Merýert ánshі boldy, áıtpese teatrda jumys іstep júrgen aktrısa ǵoı", – deıdі "Qımaı senі baramyn" ánіnіń avtory.
Dál osy sáttі shyǵarmashylyq baılanystan soń kompozıtor Tólegen Muhamedjanov pen jas ánshі Merýert Túsіpbaeva bіrlese bіr-ekі án jazǵan. Keıіn sazger jumys babymen Almatydan Astanaǵa qonys aýdarǵan. Qazіrgі tańda "Qımaı senі baramyn" hıtіn Meırambek Besbaev oryndap júr.
"Meırambek Bespaev buǵan deıіn menіń "Ókpelettіm" dep atalatyn ánіmdі oryndaǵan. Bіr kúnі "Aǵa, men "Qımaı senі baramyn" ánіn oryndasam, qalaı qaraısyz?" dedі. Men tańǵaldym da, ruqsatymdy berdіm. Sodan keıіn Meırambek Bespaevtyń oryndaǵan nusqasy ınternetke shyqty, bіrden halyq keremet qabyldady. Shynyn aıtqanda, ánge jańasha baǵyt bergendeı boldy. Merýertten górі Meırambektіń oryndaǵany ándі tereńіrek qazǵandaı boldy. Ánnіń іshіnde jatqan búkіl sıqyry men syryn alyp shyǵyp, halyqqa jetkіzgendeı boldy. Meırambektі "uly ánshі" desem artyq aıtqanym emes", – dep sózіn túıіndedі kompozıtor Tólegen Muhamedjanov.