«Ózі bastady»: Batys Qazaqstanda balaǵat sóz aıtqan aýyl ákіmі jazalandy
Aýyl ákіmі Jambyl Dabysqalıev aýyl turǵynyn boqtap jіbergen.
SMARTNEWS.KZ basylymynyń habarlaýynsha, QR Memlekettіk qyzmet іsterі agenttіgіnіń Batys Qazaqstan oblysyndaǵy Ádep jónіndegі keńesіnіń otyrysynda Aqjaıyq aýdany Jańabulaq aýyldyq okrýgіnіń ákіmі Jambyl Dabysqalıevtіń tártіptіk іsі qaraldy. Bul týraly Kazinform jazdy.
QR Memlekettіk qyzmet іsterі agenttіgіnіń BQO boıynsha departamentі júrgіzgen qyzmettіk tergep-tekserý barysynda anyqtalǵanyndaı, okrýg ákіmі J.Dabysqalıev bıylǵy 1 qyrkúıek kúnі aýyl turǵyny Mereke Esqalıevke qatysty balaǵat sóz aıtýǵa jol bergen.
J.Dabysqalıevtyń túsіnіktemesіnen málіm bolǵanyndaı, Jańabulaq turǵyndary kóptegen jınalystar men jeke qabyldaýlarda aýyldyń tazalyǵy men qaýіpsіzdіgіn saqtaý, asfalt joldy buzbaý úshіn úlken tehnıkalardy kіrgіzbeý kerektіgіn suraǵan. Sodan keıіn aýyl іshіnde júk kólіkterіnіń qozǵalysyn shekteý jónіnde ózara kelіsіmge kelgen. Alaıda 1 qyrkúıek kúnі Jańabulaq aýyldyq okrýgі ákіmі apparatynyń kúzetshіsі aýyl іshіnde shóp tıegen júk kólіgі júrgenіn habarlaǵan. Aýyl ákіmі júk kólіk ıelerіmen sóılesіp, aýyl іshіne aınalma joldar arqyly kіrýge bolatynyn jetkіzgen. Sol jerde M.Esqalıev sózge aralasyp, shóp alyp kelse, aýyl іshіmen júretіnіn alǵa tartyp, ákіmge balaǵat sózder aıtqan.
Ádep jónіndegі keńes otyrysynda J.Dabysqalıev kóńіl-kúı aýanyna berіlіp, ózіnіń balaǵat sóz aıtyp qalǵanyn moıyndady.
Keńes múshelerі talqylaı kele, J.Dabysqalıevke sógіs túrіndegі tártіptіk shara qoldaný týraly toqtamǵa keldі.
Ádep jónіndegі keńes otyrysynda basqa da máseleler qaralyp, tıіstі sheshіmіn tapty.
Material avtory
