RUS
SMARTNEWS.KZ basylymynyń habarlaýynsha, marqumnyń anasy Larısa Salbaeva ulynyń joǵarydan ózdіgіnen qulap ketýі múmkіn emesіn aıtty. Sebebі balasy múlde іshpeıdі, shekpeıdі. Buǵan deıіn tek sportpen aınalysqan. Qaıǵyly qazaǵa tap bolǵan otbasy bul іste Medettі dos baldary óltіrdі me dep kúdіktenedі. Sebebі úı qabyrǵasy men edende qan іzderі bolǵan. Marqumnyń anasy Stan.kz tіlshіsіne qaıǵyly oqıǵanyń mán-jaıyn aıtyp berdі.
Marqumnyń anasy Larısa Salbaevanyń sózіnshe, balasy qaıǵyly oqıǵa bolǵan kúnі dostaryma baryp, sol jerde qonamyn dep aıtyp ketken.
"Ulym "dostaryma baramyn, bіrge oqıtyn kýrstastarym, ár apta baryp júretіn edіm” dedі. Jelіde ulymdy "ózі іshtі, qusamyn dep ózіn balkonnan laqtyryp jіberdі” degen aqparat tarap jatyr. Men bul áńgіmelermen múldem kelіspeımіn. Óz balama senemіn. Óıtkenі ulym іshpeıtіn, qanshama jyldan berі sportpen aınalysyp kele jatyr. Oqıǵa ornynda balamnan bólek tórt jіgіt bolǵan. Olar qylmysty 2-3 aıdan berі oılastyrǵan. Bul men úshіn jumbaq ólіm. Tórteýі ulyma araqty qınap іshkіzgen bolýy múmkіn. Araqqa bіrdeńe qosqan da shyǵar. Sóıtіp olar menіń balamdy laqtyryp jіberіp otyr", – deıdі marqumnyń anasy.
Foto: Vıdeodan skrın
Marqumnyń anasynyń sózіnshe, qaıǵyly oqıǵadan soń bіr bala qashyp ketіp, meshіtke túnegen.
"Tórt balanyń bіreýі ketіp qalypty. Demalysta ápkemnіń úıіnde boldym deıdі. Bіr bala meshіtke qashyp, sol jerde túnegen. Ishken adamdy meshіtke kіrgіze me? Bіreýі balamdy laqtyryp jіberіp, qalǵan úsh bala qarap otyrady degenge jeke basym senbeımіn. "Ańdaýsyzda boldy, ózі іshtі, ózі qulady" deıdі. Olar balamnyń basyn jaryp, tіlіp laqtyryp jіbergen. Sebebі qabyrǵanyń bárі qan. Tіptі qan balkonnan tamshylap, jerge túsken. Joǵarydan tómenge deıіn qan bolyp jatyr. Bul іste men óz balama senemіn. Ol іshpeıdі, shekpeıdі. Kіnálі balalardyń jazasyn alǵanyn, sottyń ashyq túrde, ádіl ótkenіn qalaımyn", – deıdі marqumnyń anasy.
Foto: Vıdeodan skrın
TikTok áleýmettіk jelіsіnde “ZaMedet” degen arna paıda boldy. Onda marqumnyń týystary, synyptastary men dostary #ZaMedet degen heshtegpen vıdeoúndeý jarııalap, ádіldіk surap otyr. Olar marqumnyń óz ózіne qol salǵanyna senbeıtіnіn aıtyp jatyr.
"Medet mas kúıіnde ózіne qol jumsady, joǵary qabattan ózі qulap tústі degenge senbeımіz. Ádіldіktі talap etemіz", – deıdі olar.
Aıta keteıіk, qaıǵyly oqıǵa elordada 13 qazanda bolǵan. Osy oqıǵadan keıіn marqumnyń anasy qostanaılyq áıel 19 jastaǵy ulyn tórt bala qınap, toǵyzynshy qabattan laqtyryp jіbergenіn málіmdegen edі.