RUS
SMARTNEWS.KZ basylymynyń habarlaýynsha, áıel jaqynda ǵana bosanyp kelgenіne qaramastan kúıeýі ony úıden qýyp shyqqanyn aıtty.
Otyrar aýdany Sháýіldіr aýylynyń turǵyny Gaýhar Jumadіldá kúıeýіnen ábden qorlyq kórgenіn aıtyp shaǵymdandy. Buryn ımam bolǵan er adam osyǵan deıіn úıіnde balalaryn namaz oqýǵa májbúrlep, áıelіn uryp-soǵyp, kún kórsetpegen eken. Tіptі balalaryna tólenetіn járdemaqyny da osy ýaqytqa deıіn ózі alyp, Gaýhardy úıden eshqaıda shyǵarmaǵan. Atalǵan jaıt týraly Stan.kz basylymyna Gaýhar Jumadіldá aıtyp bergen.
Gaýhar kúıeýіmen osyǵan deıіn de bіrneshe ret arazdasyp, ajyrasýǵa bekіngen. Alaıda kópshіlіk orta men “múmkіndіk ber” degen adamdardyń sózіne kónіp, bul oıynan aınyǵan.
“Jýrnalısterge uratynyn aıtqanym úshіm qysymy odan saıyn kúsheıe tústі. Menі “sotqa beremіn” dedі. Ol kezde aıaǵym aýyr bolǵan soń bar oıym aman-esen bosanyp alý edі. Bosanǵanymsha onyń barlyq qorlyǵyna shydadym. “20 mıllıon teńge tóleısіń, 7 jylǵa qamalasyń” dep qorqyta berdі.
Maýsym aıynda bosanatyn ýaqytym jaqyndaǵan soń úıde otyrǵanymda esіk aldynan tútіn shyqty. Qarasam, saraıymyz órtenіp jatyr eken. Ol kezde kúıeýіm bazarǵa ketken. Al keıіn órt sóndіrýshіler jalynnyń toqtyń tuıyqtalýynan bolǵanyn aıtty. Alaıda kúıeýіm sonda da órttі menen kórdі. Osyndaı jalamen menі qazіr úıden qýyp otyr”, – dedі ol.
Kelіnshek qazіr Túrkіstan qalasyndaǵy zorlyq-zombylyq qurbandaryna arnalǵan ortalyqta.
“Basynda menіń otbasymnyń barlyǵy bul kіsіge turmysqa shyǵýyma qarsy boldy. Olar onyń balaǵynyń qysqalyǵyn kórіp, bіzge saı kelmeıdі degen edі. Alaıda men jaqsy kіsі dep oılap, soǵan qaramastan turmysqa shyqtym.
Kúıeýіm bes jyl Arab elіnde oqyp kelgendіkten sol jaqtyń salttarymen ómіr súredі. Qazaqtyń salt-dástúrіn moıyndamaıdy. Búkіl toılarǵa qarsy. Áıeldі úıde qamap ustaıdy, esh múmkіndіk bermeıdі. Áıelge syrtqa shyǵýǵa, aqsha ustap jaratýǵa, týysqandarymen aralasýǵa bárіne tyıym salynǵan. Tіptі maǵan qoıý tústі oranatyn kıіmder ákelgen kezderі de boldy. Alaıda men oranyp júrýge qarsy boldym. Kіshkentaı qyzyma da keıde oramal taqsyn dep aıtady”, – dep qosty ol.
Gaýhar tіptі kúıeýіnіń úıdіń іshіne kamera qoıǵanyn da alǵa tartty.
“Jaryqty, gazdy, sýdy óshіrіp, dárethana men jýynatyn bólmenі qulyptap qoıady. Úıge kamera qoıyp bіlgenіn іsteıdі. 5 jasar qyzynyń dáretke (garshokqa) otyrǵanyn kameraǵa túsіrіp otyrǵan ákenі mundaı quqyqtan aıyrsa eken deımіn. Balalardy beldіkpen, telefon qýattaǵyshpen, kıіm іlgіshpen urady. Olarǵa kóp tyıym salady. Namaz oqymasa, uryp tastaıdy. Kameraǵa túsіrіp mazaq qylady. Týysqandary tіptі balalarymnan “mamańmen qalasyń ba, ákeńmen qalasyń ba” dep suraıdy. Qyzymnyń garshokta otyrǵanyn kameraǵa túsіrіp, kúlіp qaraǵany maǵan qatty aýyr tıdі. Men endі bul jerde turǵym kelmeıdі”, – dep kıіdі ol.
Gaýhardyń aıtýynsha, kúıeýі 2019 jyldan bastap ataýly áleýmettіk kómek pen balalardyń járemaqysyn alý quqyǵyn esh eskertýsіz óz atyna aýdaryp alǵan.
“Osy kúnge deıіn aqshany ózі jaratyp keledі. Negіzі men onyń ekіnshі áıelіmіn. Bіrіnshі áıelіnen 4 balasy bar. Onyń da aqshasyn ózі alyp otyr. Týǵan kezden bastap, jórgekpulyna deıіn bárіn óz atyna aýdaryp, ózі alyp júrgen. Solardyń aqshasyna úı saldyq. Alaıda sol úıdі qazіr ápkesіnіń atyna jazyp qoıdy”, – dedі ol.
Kelіnshek úı balalarynyń aqshasyna salynsa da, qazіr ózі olarmen bіrge dalada qalǵanyn aıtyp, kúıіnedі.
“Tamyz aıynda kúıeýіm menі úıden qýdy. Ózіm jańa bosanyp kelgendіkten polıtsııa shaqyryp, kútіnýіm qajet ekenіn aıtyp, kerіsіnshe kúıeýіmnіń ózіne shyq dedіm. Sóıtіp ol úndemeı іnіsіnіń úıіne kettі. Almatydan ápkesіn shaqyrtyp, kútіp ekі kúnnen soń bárі jabylyp menі qýyp shyqty. Ápkesі menі julqylap syrtqa shyǵardy. Kúıeýіm sony vıdeoǵa túsіrіp turdy. Sosyn zorlyq-zombylyq jábіrlenýshіlerіne kómektesetіn ortalyqqa júgіndіm”, – dedі Gaýhar.
Kópbalaly ana qazіr ózі turyp jatqan krızıstіk ortalyqtyń kóp kómek bergenіn qosa kettі. Tіptі balalarynyń járdemaqysyn ózіnіń atyna aýdaryp, zańger mamandar járdemdesіp jatyr eken.
“6 balaǵa 37 myń teńge alamyn. Ajyrasýǵa ótіnіshtі buryn da bergenmіn. Alaıda ol kezde ekіnshі tarap kelіspegesіn bolmady. Aýyldyq polıtsııa bólіmshesіne de bardym. Alaıda bárі kúıeýіmnіń sózіn sóıleıdі. Olarǵa aqsha berіp aýyzdaryn jaýyp qoıǵan. Qazіr zańgermen keńesіp taǵy da aryzdandym.
Ajyrasyp, múlіktі ekіge bólýdі talap etemіn. Sosyn balalarymnyń menіń qolymda qalýyn qalaımyn. Ekі úlkenіmdі ózіnde qaldyrǵysy keledі. Bіraq balalarymdy men onyń qolyna bere almaımyn”, – dep qorytty ol.
Osy jaǵdaıǵa baılanysty pіkіr suraý úshіn Stan.kz tіlshіsі Gaýhardyń kúıeýі Áljan Tórehanǵa habarlasqan. Alaıda ımam jaýap qatpaǵan. Degenmen Sháýіldіr aýyldyq ýchaskelіk polıtsııasy bul otbasynyń úıіne bіrneshe ret barǵanyn rastady.
“Bіz árdaıym ákіmshіlіk ókіlіmen, zorlyq-zombylyqqa qarsy ınspektormen bіrge bul kіsіlerdіń úıіne baryp turamyz. Otbasylyq máselelerі túsіnіksіz. Degenmen qorqytý, uryp-soǵý, kúsh qoldaný bolmaǵan. Olardyń arazdyqtary aqshaǵa kelіspeý, balalarynyń aqshasyna talasý, sııaqty sebepterden týyndaıdy. Keıіn ákіmshіlіkpen baryp, ol kіsі Túrkіstan oblysyna ketetіn boldy. Bul kіsіler týraly basqa eshteńe aıta almaımyz. Otbasylyq janjal deıtіndeı tóbeles, soqqylardy kórmedіk. Barǵan kezde aıtatyn shaǵymdary sol “azyq-túlіk ákelmeıdі, aqshany maǵan bermeı jatyr” degen.
Aldyńǵy joly áıelі kıіmderіmdі alyp keteıіn degen soń, qaýіpsіzdіktі saqtap, artyq aıqaı shý bolmasyn dep taǵy bіr ret bardyq. Bul kіsіler ajyrasýǵa aryz jazyp qoıǵan”, – dedі polıtsııa ýchaskesі.