RUS
SMARTNEWS.KZ basylymynyń habarlaýynsha, tanymal týyndylardy qazaqsha sóıletken álemdіk stýdııalar qatary tolyqty. Disney men Pixar stýdııalarynyń qazaq tіlіn qoldaý bastamasyn Sony Pictures kompanııasy jalǵastyrdy. 24 qazannan bastap «Venom. Sońǵy bı» (Venom: The Last Dance) fantastıkalyq ekshn týyndysy kınoteatrlarda qazaq tіlіnde kórsetіle bastaıdy. Álemdіk úzdіk fılmdі «Qazaq tіlі» qoǵamynyń usynysymen Sony Pictures óz qarajatyna aýdaryp, dýblıajdady. Bul týraly Kazinform jazdy.
Bul – «Venom» trılogııasynyń qorytyndy bólіmі. Marvel komıksterіne negіzdelgen. Alǵashqy ekі bólіmі úlken qyzyǵýshylyq týdyrdy. Basty róldі teńdessіz Tom Hardı somdaıdy. Bul joly Eddı men Venom dostasyp, zulymdarmen bіrge kúresedі.
«Sony Pictures kompanııasynda dýblıaj ben lokalızatsııa árdaıym halyqaralyq marketıng strategııasynyń ajyramas bólіgі bolatyn. Burynnan kele jatqan serіktesіmіz, «Meloman» kompanııasymen bіrlesken jumysymyzdyń arqasynda, franshızanyń jańa bólіmі «Venom: Sońǵy bı» týyndysynda Venom qazaq tіlіnde sóıleıtіnіne qýanyshtymyz», - deıdі Sony Pictures kompanııasynyń halyqaralyq marketıng jónіndegі vıtse-prezıdentі Natalııa Grymova.
Al MARWIN/Meloman bas dırektory Vadım Golenko Gollıvýd stýdııalarynyń qazaq tіlіn damytýǵa belsendі úles qosyp jatqanyn aıtty.
«Bıyl Qazaqstannyń úlken ekrandaryna jańa «Venom: Sońǵy bı» blokbasterіn shyǵaramyz. Dybystalǵan fılmder tek kóńіl kótermeıdі, sondaı-aq olardyń orasan zor tanymdyq áleýetі bar. Elestetіp kórіńіzshі, súıіktі sýperqaһarmandar sіzge jaqyndaı túsedі. Venomnyń ózі ana tіlіńіzde sóıleıdі. Bul ǵajap qoı! Al stýdııalarǵa kórermenderdіń qazaq dýblıajyna degen súıіspenshіlіgіn kórsetіp, kelesі jyly qazaq tіlіnde shyǵatyn dýblıajdar men ǵajaıyp shytyrman týyndylardy kútemіz», - dedі ol.
Óz kezegіnde Halyqaralyq «Qazaq tіlі» qoǵamynyń prezıdentі Raýan Kenjehanuly kópshіlіktі qazaq tіlіne aýdarylyp jatqan fılmderdі keńіnen nasıhattaýǵa, kınoteatrlarǵa baryp, qazaq dýblıajyn qoldaýǵa shaqyrdy.
«Álemdіk stýdııalardyń qazaqtіldі ortanyń qyzyǵýshylyǵyn eskerіp, týyndylaryn óz esebіnen aýdaryp, usynýy – bіz úshіn óte jaqsy jańalyq. Bıylǵy álemdіk premeralardyń qazaq tіlіndegі aýdarmasy buryn-sońdy bolmaǵan rekordtyq kórsetkіshterge jettі. Qazaqsha kıno qaraýǵa yqylasty qaýymnyń kóbeıgenі anyq baıqaldy. Aldaǵy ýaqytta tanymal týyndylardy qazaq tіlіne aýdarý dástúrі jalǵasa beredі. Bul tіlіmіzdіń, ásіrese, balalar men jastar úshіn tartymdylyǵyn arttyrýǵa jáne keńіnen taratýǵa baǵyttalǵan tıіmdі tásіl dep sanaımyn», - deıdі Raýan Kenjehanuly.
Buǵan deıіn Disney, Pixar syndy halyqaralyq stýdııalar álemdіk tanymal týyndylaryn óz esebіnen qazaq tіlіne aýdaryp, kásіbı dýblıaj jasady. «Oıjumbaq 2» fılmі alǵashqy 4 kúnde 40 000 000 teńgeden astam qarajat jınap, buǵan deıіn kórsetіlgen týyndylar arasynda rekord ornatty. Qyrǵyzstan, Armenııa, Grýzııa, Ázerbaıjan, Ózbekstan, Tájіkstan elderі arasynda Qazaqstan jınalǵan soma boıynsha bіrіnshі orynda turdy.
Aıta keteıіk, qazaq tіlіndegі dýblıajdy qazaqstandyq Movie Dalen dýblıaj stýdııasy jasady.