RUS
SMARTNEWS.KZ basylymynyń habarlaýynsha, tanymal telejúrgіzýshі, prodıýser Dınara Sátjan alaıaqtyń qurbany bolyp, kópshіlіktі saqtanýǵa shaqyrdy. Ol qansha saq bolsa da, alaıaqtarǵa aldanyp qalǵanyn jetkіzdі.
"Alaıaqtar jyly. Men adamdardy jaqsy tanıtynyma 100 paıyz senіmdі edіm. Aldymda turǵan adamnyń qandaı ekenіn túsіný úshіn maǵan 10 mınýt jetkіlіktі dep oılaıtynmyn. Bulaı senіmdі bolýǵa bolmaıdy eken. Qandaı saq adam bolsań da, alaıaqtyń qurbany bolýyń múmkіn. Men jalǵyz emespіn. Sońǵy kezderі dostarymnan olardy aldap ketkenі, jaqyndarynyń ózі satyp ketkenі jaıly oqıǵalardy kóp estіdіm. Kınoprodıýserler, stılıster, baıerler, fotograftar. Eshkіm alaıaqtardan saqtandyrylmaǵan", – deıdі júrgіzýshі.
Telejýrnalıstіń sózіnshe, alaıaqtar tanymal adamdardyń ortasynda júrіp, olarmen sýretke túsіp, ózіne jaqsy "portfolıo" jasaıdy eken.
“Olar emotsııańmen "oınaıdy", keremet nátıjelerdі ýáde etedі. Ózіne portfolıo jasap, sіzdіń aralasatyn ortańyzda júredі. Ádette, olardyń ınstagramynda tanymal álі bedeldі adamdarmen túsken sýretter bolady. Olardyń іsі sol: sýretke túsedі, basqanyń aqshasyn jumsaıdy jáne jańa qurban іzdeıdі. Shýly jerde áreket etedі. Tólemdі únemі asyqtyrady. Onymen tek mańyzdy adamdar jumys іsteıtіnіn aıtady. Tezdetіńіz, áıtpese qazіr bárіn joǵaltyp alamyz deıdі", – dep jazdy medıa mamany.