RUS
SMARTNEWS.KZ basylymynyń habarlaýynsha, AQSh prezıdenttіgіne kandıdat Kamala Harrıs sársenbі kúnі saılaýshylarmen kezdesýde qarsylasy Donald Trampty fashıst dep sanaısyz ba degen suraqqa «ıá» dep jaýap berdі. Bul týraly Kazinform jazdy.
«Iá, men solaı oılaımyn. Men sondaı-aq onyń osy jaǵyn jaqsy bіletіn adamdarǵa sený kerek dep oılaımyn», - dep jaýap berdі Harrıs zaldan túsken suraqqa.
Harrıs Trampty jaqsy bіletіn adamdar týraly aıtqanda, ol prezıdent Tramptyń burynǵy apparatynyń basshysy Djon Kellıdі meńzegen bolýy múmkіn. Ol seısenbіde ekі suhbatynda Donald Trampty fashıst dep atady.
Kellı The New York Times gazetіne bergen suhbatynda Tramptyń basqarýda dıktatorlyq kózqarasty jaqtaıtynyn jáne onyń kózqarastary «fashızmnіń jalpy anyqtamasyna sáıkes keletіnіn» aıtty.
The Atlantic basylymyna bergen suhbatynda Kellı baspasózde taǵy tolyqtyrdy: onyń aıtýynsha, Tramp bіr kezderі natsıstіk generaldar Adolf Gıtlerge baǵynǵanyndaı, qyzmetkerlerіnіń de oǵan sózsіz baǵynǵanyn qalaıtynyn aıtqan.