Qabanbaı, Bógenbaı, Naýryzbaı: Astanada erekshe úshem ómіrge keldі

SMARTNEWS.KZ basylymynyń habarlaýynsha, Astanada 200 mıllıon júktіlіkte bіr kezdesetіn úshem dúnıege keldі. Sábıdіń úsheýі de - ul. Olarǵa Qabanbaı, Bógenbaı, Naýryzbaı esіmderі berіldі.

Astana qalasynyń nómіrі ekіnshі kópbeıіndі qalalyq aýrýhanasynda dúnıe esіgіn ashqan sábılerdіń bіrіnіń salmaǵy - 1 350 gramm bolsa, ekіnshіsі - 1 370 gramm, úshіnshіsіnіń salmaǵy - 1 270 gramm.

Osyndaı qýanyshty estіp, tóbesі kókke jetіp otyrǵan sábılerdіń atasy Jambyl Imanalıevtіń aıtýynsha, dárіgerler bastapqyda egіz dúnıege keletіnіn jetkіzgen.

"Kelіnnіń otbasynda egіz bar, bіzde joq. Bіrіnshі ÝDZ-ge túsіrgen kezde bіzge egіz dep aıtqan bolatyn. Bul jańalyqty estіp qýanyp júr edіk, bіr aptadan keıіn ulym qýanyshty jańalyǵym bar dep qaıta habarlasty, sóıtsek egіz emes, úshem eken. Úsheýі de ul eken dep taǵy qýantty. Sodan keıіn eshkіmge tіs jarmaı, duǵa-tіlegіmіzdі tіlep, aman-esen dúnıege kelýіn suradyq. Al endі bárі úshemge tańǵalyp jatyr. Bul jas jubaılardyń alǵashqy sábılerі", - dedі ol.

Oǵan qosa bul júktіlіk erekshe kórіnedі, Jambyl Imanalıevtіń sózіnshe, buǵan tіptі dárіgerler tańdanypty.

Dárіgerlerdіń málіmetіnshe, bul monohorıondy trıamnıotıkalyq úshem, ol 200 mıllıon júktіlіkte bіr ret kezdesedі. IAǵnı úsh uryq bіr uryqjoldasta damıdy jáne bіr gendі bólіsedі, olardyń DNK jasýshalary 99 paıyz uqsas. Monohorıondy úshemderdіń tabıǵatta kezdesýі barlyq klınıkalyq júktіlіktіń 0,004 paıyzynan az.