RUS
SMARTNEWS.KZ basylymynyń habarlaýynsha, Qyrǵyzstan prezıdentі Sadyr Japarov «Kabar» agenttіgіne bergen suhbatynda Jogorký Kenesh spıkerі Nurlanbek Shakıevtіń memlekettіk ánurandy ózgertý týraly usynysyna qatysty pіkіrіn bіldіrdі. Bul týraly Kazinform jazdy.
Qyrǵyz basshysy bul ıdeıany qoldaý qajet dep sanaıdy.
«Ánurandy ózgertsek jaqsy bolar edі. Ony jańartsaq, nesі jaman ? Qazіrgі Ánuranymyz osydan 33 jyl buryn táýelsіzdіk alǵan tusta jazylǵan. Ánuran avtorlary el azattyq pen táýelsіzdіkke qol jetkіzіp, qyrǵyz halqynyń taǵdyry solardyń qolynda ekenіn qýanyshpen, tolqýmen jazdy. Sodan berі 33 jyl óttі. Bіz tolyqqandy memleketke aınaldyq. Bіzdі búkіl álem bіledі. Júz jyldan keıіn azattyq alyp, táýelsіz el boldyq dep jyrlaı bermekpіz be? Táýelsіz memleket ekenіmіzdі, bes myń jyldyq tarıhy bar halyq ekenіmіzdі jyrlap, jastardy, bolashaq urpaqty jіgerlendіretіn Ánuran nege jazbasqa? Árıne, qazіrgі ánuranymyz umytylmaıdy. Ol respýblıkamyzdyń tuńǵysh ánurany retіnde tarıh muraǵatynda qalady», – dedі ol.
Sadyr Japarov buǵan deıіn keıbіr demagogtar men popýlısterdіń de týdy ózgertý ıdeıasyna qarsy bolǵanyn eske saldy.
«Qazіrgі týymyz jaman ba? Ol burynǵymen salystyrǵanda jaqsyraq boldy. Eskі jalaýdaǵy kún sımvoly ne kúnbaǵysqa, ne «aǵash tіlgіshke» uqsaıtyn. Endі bul kún sáýlesі ekenі bіrden belgіlі boldy. Ol jarqyrap tur», - dep túsіndіrdі prezıdent.
Buǵan deıіn Jogorký Kenesh spıkerі Nurlanbek Shakıev Qyrǵyzstan ánuranyn qaıta jazýdy usynǵany habarlanǵan bolatyn.