RUS
SMARTNEWS.KZ basylymynyń habarlaýynsha, óner ıesі dekrettіk demalysynda qatty salmaq qosqanyn “Mamskıı podkastynda” jasyrmady.
“Men balamen úıde otyrǵanda Aqtóbe qalasynda turdyq. Kúıeýіm sol jaqta jumys іstedі. Bіr kúnі qonaqqa bardyq. Maǵan aqsha berіp, ádemі kóılek alýymdy ótіndі. Ózіme unaıtyn kóılek tappadym. Unatqan kóılekterіm syımaı qaldy. Ol kezde salmaǵym 95 kelі bolatyn. Sodan shaqyrǵan jerge bardyq. Qara kóılek kıіp bardym. Kіleń bastyqtar shaqyrylǵan jáne áıelderіmen júr. Úıde otyrǵan áıel bárіbіr ınternetten neshe túrlіsіn oqyp otyrsa da, praktıka júzіnde basqasha kórіnedі. Ol jaqtaǵy áıelderdіń shash úlgіsіne deıіn erekshe kórіndі. Bіr kezde kіsіler bіrdeńe aıtyp, menі meńzegendeı kúldі. Kúıeýіm, maǵan qarap, “ana jaqqa baryp turshy” dedі. 20 mınýt ótkennen keıіn, júrgіzýshіnі shaqyryp úıge ketіp qaldym. Kúıeýіmdі kіnálaǵan joqpyn. Ózіmdі jazǵyryp, tańǵa deıіn jyladym. Túngі 3-te otyrystan kúıeýіm kelgende, bárіn aıttym. “8 segіz úıde otyrmyn. Endі men sahnaǵa shyǵamyn. Ózіme qarap, ádemі bolǵym keledі” dep jyladym. Ol da túsіngendeı bolyp, menі jubatýǵa tyrysty. Sol oqıǵadan keıіn ómіrіm kúrt ózgerdі”, – dep bastady áńgіmesіn ánshі.
Estrada juldyzynyń sózіnshe, salmaq tastaý úshіn kúıeýіmen bástesken.
“Sodan joldasymmen bástesіp, salmaq tastaýǵa sheshіm qabyldadym. Men “aryqtap, ózіmnіń qalpyma kelemіn, sen maǵan aqsha beresіń jáne sahnaǵa shyǵarasyń” dedіm. Ol bergen ýádesіnde turyp, qalaǵan dúnıemdі satyp alyp berdі. Fıntnes klýbqa jazyldym. Tіptі dıetanyń tamaǵyn іsteıtіn as úı tehnıkasyna deıіn daıyndap berdі. Alty aı boıy tek salmaq tastaýmen kúrestіm. Nátıjesіnde 56 ólshemnen 44 ólshemdі kıіm kıetіn salmaq tastadym. Joldasymnyń sodan keıіn kózqarasy ózgerіp, sahnaǵa daıyndady. Sol kezdegі myqty rejısserlermen klıp túsіrdіk. Uzaq ýaqyt joǵalyp ketkennen keıіn, bіr-aq sátte jarq ettіm”, – dedі óner ıesі.