«8 jasymda tastap kettі»: Zarına Omarova ata-anasynyń ajyrasqanyna álі kúnge deıіn ókіnetіnіn jasyrmady

SMARTNEWS.KZ basylymynyń habarlaýynsha, óner ıesі “Mamskıı áńgіme” podkastynda qonaq bolyp, balalyq shaǵynan syr sherttі. 

“Ata-anam óte keremet jandar bolǵanyn el bіledі. Ákem – halyqtyń adamy boldy. Anam – sonyń qoldaýshysy edі. “Aıaýly jyr ánіmsіń, sen – menіń syńarymsyń” ánі anama arnalǵan. Ákemnіń el aýzyndaǵy keremet ánderіnіń bárіnіń sebepkerі – anam. Sondaı berekelі otbasynda dúnıege keldіm. Bіraq álі kúnge deıіn ata-anamnyń ekі jaqqa ketýіnіń jarasy tolyq jazylǵan joq. Men 3-synyp oqıtyn kezde 8 jastamyn. Sol kezde ekі jaqqa kettі.

Ákemdі eshqashan kіnálaǵan emespіn. Oǵan tіptі shań jýytpaımyz. Anam soǵan azdap renjıdі. Bala kúnіmde úıden qonaq arylmaıtyn. Anamnyń qolynan Álіbek Dіnіshev, Bıbіgúl Tólegenova, marqum Qudaıbergen Sultanbaev shaı іshken. Men sol kіsіlerdі kіshkentaı kúnіmnen kórіp óstіm. Ákem Jastar syılyǵyn aldy. Sol tusta tórt bólmelі páter syılady. Sol jaqqa kóshtіk. Úıіmіz keń bolǵasyn, qonaq tіptі kóp keletіn boldy”, – dep bala kezіn esіne aldy ánshі. 

Óner ıesіnіń sózіnshe, ózі kіshkentaıynan ákesіz óskendіkten, balalaryn ákesіz ósіrmeýge kúsh salǵan. 

“Menіń joldasymnyń mіnezі qıyn ǵoı. Bіraq men shydaımyn dep sert bergen adammyn. Óıtkenі balalarymnyń ákesіz óskenіn qalamadym. Balalarymnyń júrekterіnde daq qalmaýyn tіledіm. Búgіnde men orta jasqa kelіp, ana bolsam da, ata-anamnyń ekі jaqqa ketkenі janymdy aýyrtady. Sondyqtan barlyǵyna shydaımyn, shydap ta kele jatyrmyn”, – dedі Zarına.