RUS
Buǵan deıіn Hasan Qasymbaevty polıtsııa qyzmetkerlerі ustap áketkenіn jazǵan edіk. Adam densaýlyǵyna qasaqana aýyr zııan keltіrdі degen kúdіkpen ustalǵan ol sot sheshіmіmen 2 aıǵa qamaýǵa alyndy.
Bul aqparatty Almaty oblysynyń Polıtsııa departamentі taratty.
- Jedel-tergeý іs-sharalarynyń nátıjesіnde 2024 jyldyń 2 qarashasynda Q. esіmdі azamat ustalyp, sot sheshіmіmen 2 aıǵa qamaýǵa alý týraly bultartpaý sharasy qabyldandy, - dep habarlady oblystyq Polıtsııa departamentіnіń baspasóz qyzmetі.
Esterіńіzge salsaq, Bas prokýratýra azamat A.Álіmovtі urlaý jáne uryp-soǵýǵa qatysty qylmystyq іsterdі qaıta qarady. Qylmys 2021 jyldyń 17 maýsymynda Talǵar qalasy Rysqulov kóshesіndegі «Vıktorııa» keshenіnіń aldynda bolǵan. Belgіsіz bіreýler jábіrlenýshіnі soqqyǵa jyǵyp, Audi-C4 kólіgіmen urlap ákettі. Ol dene jaraqattarymen ortalyq oblystyq aýrýhanaǵa jetkіzіldі, dárіgerler aldyn ala «bas mıynyń jabyq jaraqaty, mıdyń shaıqalýy jáne ekі jaǵynan paraorbıtaldy gematoma» dıagnozyn qoıdy.
Qylmys 2020 jyly Eńbekshіqazaq aýdany Avat aýylynda bolǵan janjaldan keıіn kek alý maqsatynda Hasan Qasymbaevtyń nusqaýy boıynsha jasalǵany anyqtalyp otyr.
Qamaýǵa alynǵan kúdіktі ustalǵan kúnі onyń anasy men áıelі Toqaevtan Hasanǵa kómektesýіn suraǵan edі.