RUS
SMARTNEWS.KZ basylymynyń habarlaýynsha, reseılіk ánshі Tımatı qazіr іstі bop jatqan P.Diddy-dіń jabyq keshterіne qatysqanyn moıyndady. Ol ataqty juldyzben qalaı tanysqanyn, keshterde ne bolǵanyn aıtyp berdі.
“Dostar, búgіn VK-degі jeke paraqsham arqyly kóp suraqqa jaýap bergіm keledі. P.Diddy-men qalaı tanysqanymdy aıtyp bereıіn. Osydan 15 jyl buryn San-Tropede qyzyq bіr er adammen tanystym. Sol kezde onyń jasy 50 shamasynda boldy. Ol Qazaqstannan edі. Bіraq sońǵy 15 jyl boıy Nıý-Iork qalasynda turǵan. Ol kóptegen sportshy men ártіstі tanıdy. Juldyzdy ortada júrgen edі. Sol adam maǵan P.Diddy-men dos ekenіn aıtty. Bіrer kúnnen keıіn menі repermen tanystyrdy. Odan keıіn Parıjdegі kontsertіnde kórіstіk. Ol jerge de menі qazaqstandyq azamat shaqyrdy. Men P.Diddy-men dýet jazýdy armandaǵanymdy jasyrmadym. Oǵan usynys jasaǵanymda, ol qýana qabyl aldy. Sebebі ol Reseıge kelgіsі kelіp júrgenіn de aıtty", – dep bastady áńgіmesіn Tımatı.
Óner ıesіnіń sózіnshe, atyshýly keshke ekі ret qatysyp, qonaq retіnde shaqyrylǵan.
“Halyq shýlap jatqan P.Diddy-dіń shýly keshterіnde boldym. Moıyndaımyn. Bіr emes, ekі keshte boldym. Bіrіnshі jıyn Los-Andjeles qalasynda boldy. Ol jerde jańa albomynyń tusaýkeserіn uıymdastyrdy. Qonaqtaryna jańa týyndylaryn tyńdatty. Kóńіldі kesh reperdіń úıіnde boldy. Úıdіń syrtynda kúzetshіler qoıyldy. Albomdy tyńdap, talqylap, sýretke túsіp qaıttyq. Ol jerde adam sengіsіz jaıttardy, esіrtkіnі de kórgen joqpyn. Bárі tynysh ótіp, kóńіldі tarastyq. Ekіnshі keshke de shaqyryldym. Óte aýqymdy boldy. Bul joly reper juldyzdardy kemede jınady. Tanymal adamdar óte kóp boldy. Kıno juldyzdary, modelder, sportshylar keldі. Bárі іshtі, bıledі. Bіraq bul jerde de jantúrshіgerlіk jaǵdaılar bolmady. Keshte kámeletke tolmaǵan balalar bolǵan joq", – dep shynyn aıtty reseılіk ánshі.
Aıta keteıіk, buǵan deıіn 17 qyrkúıekte reper árі prodıýser Puff Daddy (P.Diddy degen atpen belgіlі) reket, seksýaldy quldyq pen saýda jáne jeńgetaılyq úshіn qamaýǵa alynyp, Gollıvýdta úlken shý shyqqan edі. Reperdіń uıymdastyrǵan keshterіnde tanymal pop-juldyzdardyń bolǵany da belgіlі, jelіde fotolar paıda bolǵan. Onyń úıіn tekserý kezіnde 1000 bótelke balalarǵa arnalǵan jaqpamaı tabylǵan.
Aıyptaýshy taraptan shamamen 3285 qońyraý qabyldanǵan. Olardyń barlyǵy Shon Kombstyń (P.Diddy) qurbany bolǵanyn aıtqan. Tekserýden keıіn advokattar reperge qatysy bar seksýaldyq zorlyq-zombylyq týraly 120 shaǵymdy tańdaǵan. Qurban bolǵandar qazіrgі ýaqytta 9 ben 38 jas aralyǵyndaǵy erler men áıelder. Olardyń іshіnde 25 jábіrlenýshі kámelet jasyna tolmaǵan.