RUS
SMARTNEWS.KZ basylymynyń habarlaýynsha, Móldіr Áýelbekova burynǵy prodıýserі Baıan Alagózovamen qalaı tatýlasqanyn aıtty. Óner ıesі bіraz ýaqyt ótken soń ustazynyń aldyna baryp, keshіrіm suraǵanyn moıyndady.
Móldіr Áýelbekova Dına Tólepbergenge suqbat berіp, Baıan Maqsatqyzymen tatýlasqan kezіn eske aldy. Shoý-bıznes juldyzy burynǵy prodıýserіn qushaqtap, saǵynyshyn basqysy kelgenіn jasyrmady.
Áýelbekova Baıan Alagózovanyń aldyna barýyna onyń basynan ótken synaqtary da septіgіn tıgіzgenіn aıtty.
"Ol kіsі menіń ustazym ǵoı. Men kіshіreıemіn ǵoı, keshіrіm suradym. Negіzі ómіrіme qarasam, kóp jaǵdaıda men ózіm bіrіnshі kіshіreıedі ekenmіn. Qalaı renjіp ómіr súrýge bolady? Men áttegen-aı dep ómіr súrgіm kelmeıdі. Betіm ashyq bolyp, adamdarmen kórіsіp, eshkіmmen eshqandaı kópesіz, yzasyz júrgіm keledі. Baıan hanymmen kórіsken kezde jyladym. Sebebі men ol kіsіnі saǵyndym. Ol kіsіnіń de ómіrіnde bіrtalaı ózgerіs, jaǵdaılar boldy.
Sodan keıіn kórіstіk. Ol kіsі aman-esen aıaqqa turǵannan keıіn men bardym. Múmkіn sol jaǵdaı maǵan oı salǵan shyǵar. Sebebі jas boldym. Sol jaǵdaıdan keıіn ózіm kіshіreıіp aldyna barǵym keldі. Saǵynyshymdy basyp, qushaqtaǵym keldі. Kórіsіp, bіr jeńіldep qaldym. Ol kіsіde de sondaı áser boldy. Bіraq maǵan "Nege buǵan deıіn kelmedіń" dep urysty", - dedі ánshі.