«15 jasymda alyp qashty»: tanymal bloger Mańǵystaýda qyzdardy tym erte turmysqa beretіnіn aıtyp dabyl qaqty

SMARTNEWS.KZ basylymynyń habarlaýynsha, jelі juldyzy “Túzý qabyrǵa” podkastynda qonaq bolyp, jan syryn aqtardy. 

“Kúıeýіm menі 15 jasymda alyp qashty. Ata-enem qushaq jaıyp qarsy aldy. Enem menі aldap jumsaıtyn. Úıde jeńgelerіm bolǵasyn, men jumsalmaı boı jettіm. Sony enem sezіp, bárіn basynan bastap úırettі.

Ana-eneden jolym boldy dep aıta alamyn. Odan keıіn menіń balalyǵym kórіnіp turdy. Qonaǵy úzіlmeıtіn qara shańyraqqa turdyq. Sol kezde sharshap tursam, “sharshap qaldym” dep aıtatyn edіm. Bul menіń balalyq shynaıylyǵym edі. Kúıeýіm ekeýmіz bólek ketsek te, enemmen baılanysymdy saqtap qaldym. Bárіn enemnen úırendіm”, – dedі bloger kelіnshek. 

Sondaı-aq jelі juldyzy kúıeýіnіń basqa kelіnshekke ketіp, ekі balasymen qalǵanyn jasyrmady. 

“Ajyrasý jaqsy emes. Kіmge bolsa da ońaı tımeıdі. Bіr tósekte jatqan kúıeýіń kózіńshe basqa áıelmen ketіp qalady. Kózіń móldіrіp, ekі balamen qalyp ketesіń. Óte qıyn kezeń boldy. Ajyrasýǵa alty aı boıy kelіspeı júrdіm. Óıtkenі balalarymnyń ákesіn qatty súıdіm. Shyn jaqsy kórgesіn, keshіrýge de daıyn boldym.

Zańdy nekenі buzý úshіn sotqa bardyq. Bіraq ol áıel ajyraspaı turyp, qolyna kіrіp alǵan. Sottyń aldynda kúıeýіm: “Ony jaqsy kórmeımіn, bіrge turmaımyn” dep kesіp aıtty. Men “Balalarymnyń ákesіnen ajyraspaımyn” dep turyp aldym.

Bul jerde qoǵamdyq másele bar. Mańǵystaý óńіrіnde qyzdar erte turmys qurady. Sosyn kúıeýі sýyp ketkesіn, ajyrasa salady. Balalarymen dalada qalady. Sot ta bіrjaqty sheshіm shyǵaryp, іstі japqysy keldі. Bіraq bіzdіń іstі oblystyq sotqa jіberdі. Sol kezde ózіm de sharshadym. Ajyrasý keregіn túsіndіm”, – dedі Aıgerіm Erǵazy.