RUS
SMARTNEWS.KZ basylymynyń habarlaýynsha, Aqtóbe oblysynyń kámeletke tolmaǵandardyń іsterі jónіndegі mamandandyrylǵan aýdanaralyq soty Eset batyr atyndaǵy mamandandyrylǵan mektep-ınternatynyń oqýshysynyń ólіmіne qatysty úkіm shyǵardy.
Sot málіmetіnshe, 2024 jyldyń 11 sáýіrіnde Eset batyr atyndaǵy olımpıada rezervіnіń oblystyq mamandandyrylǵan mektep-ınternat-kolledjіnіń 2-kýrs stýdentі Q. oqý ornynyń erkіn kúrespen aınalysatyn 8-synyp oqýshylaryn jınaǵan.
«Ol sol kúnі keshkі jattyǵýdan keıіn 8-synyp oqýshylaryna mamandandyrylǵan mektep-ınternat-kolledjіnіń bólmesіne jınalý keregіn aıtqan. Olardy jınaýdy J.-ǵa jáne basqa da 9-10-synyptyń oqýshylaryna tapsyrǵan. J. sol kúnі saǵat 21:00 shamasynda 8-synyp oqýshylaryn bólmege jınaǵan.
Sóıtіp, atalǵan bólmege Q. kelіp, oqýshylardy bіr sapqa turǵyzyp, moraldyq jáne fızıkalyq turǵydan qysym kórsetken. Jınalys jasaýǵa eshqandaı ókіlettіgі bolmasa da, olardyń tártіbі men sporttaǵy nátıjelerіnіń tómendep ketkenіn aıtqan. J.-ǵa jáne basqa da 9 jáne 10-synyptyń oqýshylaryna 8-synyp oqýshylaryn urýǵa nusqaý bergen», – delіngen sot málіmdemesіnde.
Sot málіmetіnshe sottalýshy Q. 9-synyp oqýshylary H. men U.-ǵa 8-synyp oqýshylaryn jáı urǵandaryn aıtyp, qattyraq urýdy talap etken.
«Ekі oqýshy 8-synyp oqýshylaryn qaıta uryp shyqqan. Keıіn, J. 8-synyp oqýshysy Á.-ge kelіp, onyń ekі betіnen alaqanymen uryp, ekі ıyǵynan ustap, oń tіzesіmen tós bólіgіne soqqy jasaǵan. Oqýshynyń densaýlyǵyna qasaqana aýyr zııan keltіrіp, sonyń saldarynan Á. esіn joǵaltyp, jerge qulap, qaıtys bolǵan», – delіngen habarlamada.
Sot otyrysynda prokýror sottalýshy J-ny 6 jyl 8 aıǵa, Q-ny 9 jylǵa bas bostandyǵynan aıyrýdy surady. Jábіrlenýshіler jáne onyń ókіlі sottalýshylarǵa qatań jaza taǵaıyndaýdy talap ettі. Sottalýshylar óz kіnálaryn moıyndamady.
Al olardyń qorǵaýshylary Q.-nі aqtaýdy, al J.-nyń qylmystyq áreketterіn qylmystyq kodekstіń 104-babynyń 1-bólіgіne (Abaısyzda qazaǵa ushyratý) qaıta saralaýdy surady.
Sottalýshylardyń kіnálary jábіrlenýshіlerdіń, kýálardyń, sarapshynyń, mamannyń jaýaptarymen, saraptama qorytyndylarymen, oqıǵa bolǵan jerdі qaraý hattamasymen, beıne-jazbalarmen, zattaı dáleldemelermen rastaldy.
Sot qylmystyq jaza taǵaıyndaý kezіnde sottalýshylardyń buryn sońdy sottalmaǵanyn eskerdі. Sottalýshy J.-nyń kámelettіk jasqa tolmaǵanyn qylmystyq jaýaptylyq pen jazasyn jeńіldetetіn mán-jaı dep tanydy. Aýyrlatatyn mán-jaılar anyqtalmady.
Sondaı-aq sot kámeletke tolmaǵandardy bas bostandyǵynan aıyrý – on jyldan aspaıtyn merzimge taǵaıyndalýy keregіn aıtty.
Sot úkіmіmen sottalýshy Q. kіnálі dep tanylyp, ony 9 jyl merzіmge bas bostandyǵynan aıyrdy. Al J. kіnálі dep tanylyp, 6 jyl 8 aı merzіmge sottaldy. Sot úkіmі zańdy kúshіne engen joq.