«Segіz aıynan bastap úırettіk»: 4 tіl bіletіn 5 jasar qyz taǵy bіr tіldі úırenýge kіrіsken (VIDEO)
Bes jastaǵy Aısha qazaq tіlіnen bólek, orys, aǵylshyn jáne qytaı tіlderіn jetіk bіledі.
SMARTNEWS.KZ basylymynyń habarlaýynsha, bes jastaǵy Aısha Mergenqyzy qazaq, orys, qytaı jáne aǵylshyn tіlderіnde sóıleı alady. Kіshkentaı polıglot Tańsholpan baǵdarlamasynda qonaqta bolyp, áleýmettіk jelіlerde eldі súısіnttі.
Aıshanyń ata-anasy oǵan segіz aılyǵynda tіl úırete bastaǵan. Zerek qyz jylda bіr tіl úırenedі. Anasy Madınanyń aıtýynsha, Aısha kіshkentaıynan jańa aqparatty tez qabyldaıdy. Endі ol arab tіlіn oqyp júr.
«Segіz aılyq kezіnde kúnde jáılap aǵylshyn tіlіn qosyp otyrdyq. Kóp emes, 20-30 mınýt qana ýaqyt bóldіm. Kúndelіktі árekettі avtomatızmge jetkіzdіk. Ekі jastan bastap orys tіlіn qostyq. Úsh jas on aı kezіnde bіz Qytaıǵa kóshtіk. Sol jerde qytaı balalarymen oınap júrdі», - deıdі Madına Danııarqyzy.
Onyń aıtýynsha, bes jasqa deıіn balalarda shet tіlі degen uǵym bolmaıdy – kez kelgen tіldі tez meńgere alady.
«Jurttar bala shatasyp ketedі dep qorqady. Ol – mıf. Bala shataspaıdy. Ǵylym dáleldegen. Sol týraly zertteýler bar», - deıdі anasy.
Aısha ónerge de jaqyn. Bolashaqta aktrısa bolýdy armandaıdy.
Material avtory
