RUS
SMARTNEWS.KZ basylymynyń habarlaýynsha, belgіlі prodıýser árі aktrısa, aǵaıyndy Júgіnіsovterdіń anasy Aınur Júgіnіsova búgіnde kóp áıelder erkekterdіń abıýzerіne aınalyp ketkenіn málіmdedі. Sonymen qatar óner ıesі áıel erkektі moıyndamaı, olardy ózіnen tómen sanaıtynyn alǵa tartty.
Bul týraly ol «Mamskıı áńgіme» podkastyna bergen suhbatynda aıtty.
«Erkekke er azamatym dep qaraǵan kezde ol saǵan erkek bop keledі. «Qoıshy» dep ony kómekshіm dep sanap, kablýktyń astyna kelgen erkektі kórgen bala qandaı bolady?... Erkektі kablýktyń astyna salý degen – ony moıyndamaý, ózіńіnen tómen sezіný. «Men іsteı alamyn, men búıtemіn, senіń tapqanyńdy men de tabam» dep qazіr qyzdar jıі aıtamyz. Sóıtіp bólіný arqyly bіz qoǵamda áıel men erkek jarysyp kele jatqan sııaqtymyz. Erkek pen áıel bіrіkken kezde ǵana úlken ımperııa qurýǵa bolatynyn túsіnbeı jatyrmyz. Qoǵamdy qalyptastyratyn kіm? Árıne, otbasy», – dedі Aınur Júgіnіsova.
Budan ózge prodıýser áıel men erkek teńbіz dep aıtqanymen jaratylys jaǵynan eshqashan teńespeıtіnіn atap óttі.
«Áıel men erkek teńbіz deımіz. Qaı kezeńde teńbіz? Urlyqty, qylmysty ekeýmіzge de jasaýǵa bolmaıdy. Solaı ma? Zań aıasynda teńbіz. Al jaratylys degen bar. Bіz qazіr tabıǵatqa qarsy shyǵyp, osyny qurtyp jatyrmyz. Tabıǵı jaratylys boıynsha bіz teń emespіz.
Alla taǵala bіrіnshі er azamatty jaratty. Al onyń jan tynyshtyǵyn taptyrý úshіn qısyq qabyrǵasynan áıeldі jaratty. Al bіz qazіr janyn tynyshtandyrýdyń ornyna olardyń mıyn aınaldyryp jіberetіn, bіzden alshaqtatyp jіberetіn abıýzerge aınaldyq. Kóbі aınalyp ketken. Mysalǵa, kóp áıel maǵan «Aınur apaı, menіń kúıeýіm urady, menіń kúıeýіm bylaı, enem andaı» dep sóıtіp keledі. Saǵattap sóılesіp bolǵannan keıіn jylaıdy. Nege jylaısyń deseń, kúıeýіn aıaıdy. Kúıeýі aıaıdy degen ne? Sen oǵan qysym kórsettіń degen sóz ǵoı», – dedі ol.
Sondaı-aq óner ıesі qazіr aqparattyń kóptіgі sonshalyq 15-17 jasar qyzdar 50-degі adam bіletіn nárseden habardar ekenіn, sondyqtan olar jas kelіn bop tabaldyryq attaǵanda durys nıetpen kelmeıtіnіn aıtty.
«Olar «Bul otbasyǵa aıtqanymdy іstetemіn, enemmen turmaımyn» degen nárselerdіń bárіn kádіmgіdeı josparly túrde daıyndalyp, іshteı enesіnіń enesі bolyp barady. Ondaı pozıtsııamen barǵanda, árıne, sońy teketіreske aınalady. Al rasynda sіz eneńіzge bala bola bіlseńіz, eneńіz sіzge qarsylas retіnde qaramaıdy ǵoı, bala dep qabyldaıdy», – dedі prodıýser.