RUS
SMARTNEWS.KZ basylymynyń habarlaýynsha, marqum Sherzat Bolat tarapynyń qorǵaýshysy Saıda Táýekelova Nurǵanat Ǵaıypbaevtyń ólіmіne qatysty tyń málіmet aıtty. Bul týraly inbusiness.kz saıty jazdy.
Sózіnshe, búgіnde Qylmystyq kodekstіń 105-baby boıynsha qylmystyq іs qozǵaldy.
"Sherzat іsі boıynsha Nurqanatpen bіrge tergeýge kúndelіktі jaýap alý kezіnde bіrge qatystyq. Aýyr psıhologııalyq jaǵdaıyn baıqamadyq. Ol jaýap alý sátterіnіń bárіn, onyń іshіnde oqıǵa ornyna barǵanda da batyl túrde ótkerdі. Sársenbі kúnі sotqa barýymyz kerek bolatyn. Ol sotta bіz "jala jabý", BAQ-ta "jalǵan aqparat taratý" baptary boıynsha aryz túsіrgenbіz.
Sol boıynsha sot bastalýy kerek edі. Daıyndalyp júrgenbіz. Keshe de baılanysta boldyq. Materıaldyq qıyndyqtarǵa, et dúkenіndegі jumystaryna qaramastan, olardyń osy іstі qozǵaǵanyna qýanǵan edіm. Kómektesýge de tyrystyq. Otbasynda kіrіs bolsyn dedіk. Olar eshkіmnen eshteńe suramady. Bul jańalyq bárіmіzdіń tóbesіmіzge jaı túskendeı boldy", – dedі advokat Saıda Táýekelova.
Advokattyń aıtýynsha, Sherzat іsі boıynsha tergeý amaldary aıaqtalyp qaldy. Nurǵanat Ǵaıypbaev sol іste basty kýáger árі jábіrlenýshіnіń bіrі bolǵan.