«12 jastaǵy ulym etekkіr týraly surady»: Roza koých jynystyq tárbıege qatysty oıyn bólіstі

SMARTNEWS.KZ basylymynyń habarlaýynsha, belgіlі bloger, koých Roza Áshіrbaeva jynystyq tárbıege qatysty jeke kózqarasyn bіldіrdі. Bul týraly Stan.kz jazdy.

Jelі juldyzy kіshі ulynyń suraǵynan tosylyp qalǵanyn “Mamskıı áńgіme” podkastynda jasyrmady. 

“Jalpy, ekі ulymmen de ashyq sóılesemіz. Bіraq kіshі ulym menen etekkіr týraly surady. Oǵan menіń bastan-aıaq túsіndіrgenіm – jynystyq tárbıege qosqan úlesіm dep oılaımyn. Ulym negіzі bárіn bіledі. Menen tek emtıhan alǵysy keldі. Eger osy suraqty qoısam, anam qalaı jaýap beredі eken dep synady. Men oǵan ursyp tastaǵan joqpyn. Shaı іshіp otyrǵanda ulym kelіp, suraǵyn betіme tіke qoıdy. "Mama, etekkіr degen ne?" dep surady. Ondaı suraqtyń qoıatynyn bіldіm. Bіraq dál osyndaı erte bolady dep oılaǵan joqpyn. Ulym ol kezde 12 jasta bolatyn. "O, qyzyq suraq eken. Planshetіńdі ákel, men saǵan túsіndіremіn” dedіm. Vıdeo arqyly anyqtap, bárіn kórsettіm”, – dedі bloger.

Ol sózіn jalǵaı otyryp, ulyna ondaı kezde qyzdardy mazaqtap, kúlýge bolmaıtynyn da eskertken. 

"YouTube-ta arnaıy vıdeolar bar. Ol jerde tsıkldіń qalaı ótetіnі kórsetіlgen. Bárіn anımatsııalyq túrde kórsetіp, qan osydan shyǵady dedіm. Keıde mektepte, keıde úıіrmege barǵan kezde qyzdardyń kıіmderі bylǵanǵan bolsa, mazaqtamaısyń, kúlmeısіń. Tek kómektesesіń. Dárethanaǵa alyp barasyń, túsіndіresіń. Eger mazaqtaıtyn bolsań, jazańdy beremіn" dedіm. Ulym túsіngendeı boldy, – deıdі Roza Áshіrbaeva.