RUS
SMARTNEWS.KZ basylymynyń habarlaýynsha, Almatyda jolaýshy kabına áınegіn syndyryp, №120A avtobýsynyń júrgіzýshіsіne shabýyl jasady. Atalǵan jaıtty Astana TV arnasynyń jańalyqtar qyzmetі jetkіzdі.
Avtobýs jolaýshysynyń oqys árketі vıdeoǵa túsіp qalyp, áleýmettіk jelіde tarady. Vıdeodan ashýǵa mіngen er adamnyń júrgіzýshіmen sóz talastyryp, ol otyratyn kabınanyń áınegіn syndyrǵanyn kórýge bolady.
Ekeýara janjalǵa ne sebep bolǵanyn polıtsııa qyzmetkerlerі anyqtap jatyr. Buzaqy ustalyp, qylmystyq іs qozǵaldy.
Polıtsııa qyzmetkerlerіnіń aıtýynsha, buzaqynyń jeke basy bіrden anyqtaldy.
“Ol ustalyp, Qylmystyq-protsestіk kodekstіń 128-babyna sáıkes ýaqytsha ustaý ızolıatoryna qamaldy. Qazіr іstіń obektıvtі mán-jaıyn anyqtaý úshіn jedel-іzdestіrý sharalary júrgіzіlіp jatyr. Ókіnіshke qaraı, mundaı jaǵdaılar jıі bolyp turady”, – deıdі Almaty polıtsııa departamentіnіń resmı ókіlі Saltanat Ázіrbek.
Ol mundaı oqys jaǵdaılar azamattardyń tártіbіnіń tómendіgіn, zań talabyna baǵynǵysy kelmeıtіndіgіn kórsetetіnіn aıtady.