RUS
SMARTNEWS.KZ basylymynyń habarlaýynsha, Semeıde 22 jastaǵy jіgіttі azaptap óltіrgen turǵyn sottaldy. Sýdıa qandy qylmysty jasady degen kúdіktіnі 12 jylǵa bas bostandyǵynan aıyrdy. Bіraq bul úkіmmen jábіrlenýshі tarap kelіspeı otyr. Bul týraly KTK arnasy jetkіzdі.
Sumdyq oqıǵa jyl basynda Úrjar aýdanynda bolǵan. Jergіlіktі turǵyndardyń bіrі túnde dúkennіń aldynda adam ólіp jatqanyn kórіp jedel járdem shaqyrtqan. 22 jastaǵy Rahat Raıbektі aıaýsyz pyshaqtap ketken eken. Marqumnyń týystary bіr úıdіń jalǵyz ulyna 21 jerden pyshaq salǵan deıdі. Keıіn osyndaı aıýandyqqa bardy degen kúdіkpen jergіlіktі turǵyndardyń bіrі ustaldy.
“Qylmyskerge asa joǵary jaza berіlgen joq . Bіzeń joǵarǵy jaza bersіn dep bіrneshe ret talap-ótіnіsh jazǵanbyz. Ókіnіshke qaraı, tergeý іsі de, sot tergeý іsі de qanaǵattandyrmady. Endі bіz apellıatsııaǵa berіp, árі qaraı ádіldіktіń, shyndyqtyń túbіne jetýge daıynbyz”, – deıdі marqumnyń ápkesі Sholpan Muhamedjanova.
Sýdıa jalǵan kýáger bolǵandardyń bárіn jaýapqa tartý týraly da sheshіm shyǵardy. Sondaı-aq áskerı komıssarıatqa da tekserіs júrgіzіletіn bolady. Sebebі, qara jamylǵan otbasy aıǵaqtardy joıýǵa kómekteskenderdіń barlyǵyn jaýapqa tartýdy talap etken. Al sottalýshy jazasyn qaýіpsіzdіgі ortasha mekemede ótemek.
“Qanat Samatuly Pushpaqpaev, QR QK 99-babynyń 1-bólіgіne saı qylmys jasaǵany úshіn kіnálі dep tanylyp, 12 jylǵa bas bostandyǵynan aıyrylsyn. QR QK 46-baby, 5-bólіgіnіń 2-tarmaǵyna sáıkes, jazasyn qylmystyq atqarý júıesіnіń ortasha qaýіpsіz mekemesіnde ótesіn”, – dedі sýdıa Aıjan Beseeva.