RUS
SMARTNEWS.KZ basylymynyń habarlaýynsha, Astanada kólіk urlaý qylmysynyń taǵy bіr faktіsі tіrkeldі. Elordalyq polıtsııa deregіnshe, 24 jastaǵy jіgіt basqa bіreýdіń kólіgіn zańsyz ıemdenіp, mas kúıіnde kólіk júrgіzgen. Sońynda jol apatyn jasady.
Jedel-іzdestіrý іs-sharalary barysynda polıtseıler kúdіktіnіń jeke basyn anyqtady. Belgіlі bolǵandaı, jas jіgіt túngі ýaqytta alkogoldіk іshіmdіk іshken kúıde kóshege shyqqan. Turǵyn úıdіń aýlasynda turǵan qulyptalmaǵan "Mercedes E-230" markaly avtokólіktі kórgen. Avtokólіktіń kіltterі tutandyrǵyshta bolǵandyqtan, kólіktі ıemdenіp, qalany kólіkpen aralap júrgen. Kóp uzamaı baǵanaǵa soǵylǵan. Osylaısha 3 mıllıon teńge somasynda materıaldyq shyǵyn keltіrdі.
Kúdіktі ýaqytsha ustaý ızolıatoryna qamaýǵa alyndy. Tergeý amaldary júrgіzіlýde.