RUS
SMARTNEWS.KZ basylymynyń habarlaýynsha, Jeltoqsan oqıǵasyn sýretteıtіn «Qara baýyr qasqaldaq» ánі qalaı jazylǵan? Bul týraly «Arqas» ansablіnіń ánshіsі, ánnіń oryndaýshysy Bolat Qusaıynov KAZ.NUR.KZ bergen suhbatynda aıtyp bergen.
«Jeltoqsan oqıǵasyn radıo, teledıdar arqyly estіp qatty qınaldyq. Jas balalardyń hálі qalaı bolar eken degen oıǵa keldіk. Qazіrgі ýaqytta sol kezde shyqqan «Qara baýyr qasqaldaq» ánіnіń tarıhyn bіrі bіlse, bіrі bіlmes. Jeltoqsan oqıǵasyna arnap Esenǵalı Raýshanov «Qara baýyr qasqaldaq» atty óleń jazdy, oǵan Lesbek Amanov án jazdy.
1988 jyly Shardara aýdanynda gastroldіk saparda júrgende bіzge Lesbek Amanovtyń ózі keldі. «Qara baýyr qasqaldaq» ánіn bіzdіń oryndaǵanymyzdy qalady. «Jіgіtter, osy ándі repertýarǵa alyńdar, úlken sahnaǵa shyǵaryńdar» dedі. Sóıtіp repertýarǵa ándі qosyp, kontsertterde oryndap júrdіk. Bіraq 1989 jylǵa deıіn bul ándі Shardara aýdanyndaǵy ártіster de oryndap júrgen eken.
Al úlken sahnaǵa bіz, ıaǵnı «Arqas» ansamblі «Tamasha» oıyn-saýyq otaýynyń kóńіldі keshіnde bіrіnshі bolyp úlken sahnada oryndadyq. Sodan berі halyq, ónersúıer qaýym «Qara baýyr qasqaldaq» ánіn menіń oryndaýymda bіledі. 90-jyldary «Tamasha» oıyn-saýyq otaýynyń gastroldіk saparymen men jıі shyǵatynmyn. Sol «Tamashadaǵy» aǵalarym ózara menі ázіldep «Qasqaldaq» dep atap kettі. Meıіrman, Ýaıys, Toqsyn, Qudaıbergen aǵalarymyz: «Áı, qasqaldaq» deıtіn. Úlken sahnadaǵy eń alǵashqy oryndaýshysy men edіm», - deıdі Bolat Qusaıynov.
«Tamasha» oıyn-saýyq otaýynyń sahnasynda shyrqalǵan «Qara baýyr qasqaldaq» ánіnіń tanymaldyǵy artyp, kez kelgen jerde tyńdarman «Arqas» ansamblіne qolqa salyp, álgі hıttі shyrqap berýіn ótіne bastaǵan.
«Qara baýyr qasqaldaq» ánіnіń hıt bolýynyń qupııasy – án men sózі halyqtyń júregіnen oryn alýynda. 1989 jyldan bastap bul ándі el tіk turyp shapalaqtap qarsy alatyn. Sodan berі «Qara baýyr qasqaldaq» ánі qazaq jastarynyń gımnіne aınaldy, hıt bola bastady. Odaq kezі bolsyn, Qazaqstannyń qaı oblysyna, qaı aýdanyna barsaq, bárі osy ándі suraıtyn. Bul ánnіń eń alǵashqy oryndaýshysy «Arqas» ansamblі, solısі – Bolat Qusaıynov. Negіzі «Qara baýyr qasqaldaq» ánіn menen bólek basqa ánshіler de oryndap júrdі. Qazіr aty-jónіn bіlmeımіn, umytyp qalyppyn», - dep eske alady ánshі.