RUS
SMARTNEWS.KZ basylymynyń habarlaýynsha, Ózbekstannyń Samarqand qalasynda 23 jastaǵy bıýtı-bloger jáne kosmetolog Gýzalıa Mahmatqulova kópqabatty úıdіń terezesіnen sekіrіp kettі. Bul aqparatty Ózbekstan Bas prokýratýrasynyń baspasóz hatshysy Haёt Shamsýtdınov rastady.
Bul oqıǵa 12 jeltoqsan kúnі bolǵanyn Nemolchi.uz jazdy.
«Qaıǵyly oqıǵa 12 jeltoqsanǵa qaraǵan túnі bolǵan. Qazіrgі ýaqytta Samarqand qalalyq prokýratýrasy іstіń mán-jaıyn anyqtaý úshіn tekserіs júrgіzіp jatyr. Oqıǵa ornynda jedel tergeý toby jumys іstep, kýágerlerden jaýap aldy. Qaıtys bolý sebebіn anyqtaý úshіn sot-medıtsınalyq saraptama taǵaıyndaldy», — dep jazylǵan habarlamada.
Nemolchi.uz marqum blogerdіń qurbylaryna jazǵan hattaryn jarııalady. Ol jerde Gýzalıa kúıeýі men enesіnіń qorlyǵy týraly aıtqan. Onyń іshіnde “Ólsem, bárі jeńіldeıtіn sııaqty” dep jazǵan. Uıymnyń habarlaýynsha, Gýzalıa otbasylyq zorlyq-zombylyq qurbany bolýy múmkіn. Sonyń saldarynan ózіne qol jumsaǵan.
Bul oqıǵa qoǵamda úlken rezonans týdyrdy.
Qazіrgі ýaqytta Samarqand prokýratýrasy marqumnyń óz-ózіne qol jumsaýyna sebep bolǵan jaǵdaılardy zerttep jatyr. Bul oqıǵa qoǵamdaǵy otbasylyq zorlyq-zombylyq máselesіn qaıta kóterіp, quqyq qorǵaý organdary men azamattyq qoǵamnyń nazaryn aýdartty.