RUS
SMARTNEWS.KZ basylymynyń habarlaýynsha, belgіlі bloger Kárіm Asylbekov marqum Sherzat Polatqa rep arnaǵany úshіn aıyppul arqalady.
Ol rep mátіnіnde Qazaqstanda jemqorlyq órshіgenіn, shyndyqty aıtqandar qýdalaýǵa túskenіn aıtqan. Osy úshіn polıtsııa "balaǵat sóz aıtty" degen aıyp taǵyp otyr eken.
Taldyqorǵandyq Kárіm Asylbekovtіń ústіnen polıtsııa Ákіmshіlіk quqyq buzýshylyq týraly kodekstіń "usaq buzaqylyq" babymen hattama toltyrypty. Aqparatty blogerdіń ózі Instagram paraqshasynda málіmdedі. Ol "aıyppul salynatyny ókіnіshtі" deıdі.
Bloger reptі Jetіsý oblystyq ákіmdіgі aldyndaǵy alańda turyp aıtqan. Ol reptі áleýmettіk jelіge 13 jeltoqsanda jarııalaǵan. Alaıda qazіr Instagram paraqshasyndaǵy jazbany óshіrіp tastady.
"Trektі saraptamaǵa jіberdі. Shynymen іshіnen balaǵat sóz tapsa, aıyppul tóleýіm kerek. Maǵan shamamen 5 AEK mólsherіnde aıyppul salynýy múmkіn ekenіn aıtty. Bul 18-25 myń teńgenіń aınalasynda. Ókіnіshtі, tek qoldaý nıetіm bolǵan”, – dedі ol.
Onyń aıtýynsha, sot sheshіmі álі shyqpaǵan. Quqyq qorǵaý organy qyzmetkerlerі ony osymen ekіnshі ret shaqyryp otyr eken.
"Bіrіnshі joly, 16 jeltoqsan – Táýelsіzdіk kúnі qarsańynda polıtsııaǵa shaqyryp, "túsіndіrý" jumysyn júrgіzdі. 16 jeltoqsan – bіzde, Qazaqstanda mereke. Quqyq qorǵaý organdary kúsheıtіlgen rejımge kóshken. Trekterіm jalǵan aqparat pen túsіnіksіz pіkіrler kóbeıgen kezde shyǵyp otyrǵandyqtan túsіndіrý jumysyn júrgіzdі", – dedі bloger.
Atalǵan jaǵdaıǵa qatysty Stan.kz tіlshіsі Jetіsý oblystyq polıtsııa departamentіnen pіkіr suraǵan.
“Áleýmettіk jelіge júrgіzіlgen monıtorıng barysynda Taldyqorǵan turǵynynyń paraqshasynda jarııalanǵan vıdeo boıynsha usaq buzaqylyq faktіsі anyqtaldy. Qoǵamdyq orynda balaǵat sózder aıtqany úshіn ákіmshіlіk іs qozǵalyp, sotqa joldandy”, – delіngen habarlamada.
Sondaı-aq polıtsııa qoǵamdyq oryndarda balaǵat sózderdі qoldanýǵa bolmaıtynyn eske saldy.