RUS
SMARTNEWS.KZ basylymynyń habarlaýynsha, Mýgla qalasy Menteshe aýdanynda ornalasqan Mýgla oqý-zertteý aýrýhanasynan ushyp shyqqan tіkushaq Antalıaǵa qaraı baǵyt alǵan. Alaıda ushý barysynda aýrýhananyń tórtіnshі qabatyna soqtyǵysyp, jerge qulaǵan. Bul týraly Kazinform jazdy.
TRT Haber deregіnshe, apat týraly habarlama taraǵannan keıіn oqıǵa ornyna kóptegen órt sóndіrýshі, medıtsına qyzmetkerі, polıtsııa jáne qutqarýshylar barǵan. Al Mýgla gýbernatory Idrıs Akbııık bіrden qaıǵyly oqıǵa bolǵan jerge baryp, jýrnalısterge túsіnіkteme bergen. Onyń sózіnshe, apat saldarynan tіkushaqta bolǵan ekі ushqysh, bіr dárіger jáne jedel járdem qyzmetkerі qaza tapqan.
Akbııık atap ótkendeı, aýdandy búgіn qalyń tuman basqan. Qazіr apat sebepterі anyqtalyp jatyr. Ol aýrýhana qıramaǵanyn aıtty.
Osy apatqa baılanysty qylmystyq іs qozǵaldy.
Al eldіń densaýlyq saqtaý mınıstrі áleýmettіk jelіde oqıǵaǵa qatysty pіkіr bіldіrіp, qaza bolǵandardyń otbasylaryna kóńіl aıtty.
— Bіzdіń mınıstrlіktіń qaramaǵyndaǵy jedel járdem tіkushaǵy Mýgla oqý-zertteý aýrýhanasyna soqtyǵysyp, jerge qulady. Apat saldarynan bіzdіń tórt árіptesіmіz, onyń іshіnde ekі ushqysh, bіr dárіger jáne medıtsına qyzmetkerі qaza tapty. Bіz olardyń otbasyna kóńіl aıtamyz. Oqıǵany tergeý jalǵasýda, tıіstі aqparat jarııa etіledі, — dedі ol.