«Qydyrálі men Qaraqattyń uly ekeýmіz órtenіp kete jazdadyq»: Baǵdat Sámıdenova jańa jyl qarsańynda qyzyq oqıǵasyn bólіstі

SMARTNEWS.KZ basylymynyń habarlaýynsha, QR Mádenıet qaıratkerі, ánshі Baǵdat Sámıdenova osydan 20 jyl burynǵy jańa jyl kezіndegі oqıǵany umytpaǵanyn Stan.kz tіlshіsіne aıtyp berdі. 

Óner ıesіnіń sózіnshe sahnaǵa jaryq berіp turatyn togtan órt shyǵyp, kıіmі janyp ketken. 

“Ol kezde bіz Almatyda turamyz. Jyl saıyn alańǵa kontsert qoıýǵa shyǵamyz. Kún sýyq árі aıaz bolatyn. Qar jaýyp tur. Sonda da halyq kóp jınalady. Men ánіmdі aıtyp, sahnadan tústіm. Bіr kezde Qaraqat pen Qydyrálіnіń kezegі keldі. Onyń aldynda balasy Bekbolat kónbeı jylap júrgen. Jasqa tolmaǵan bópe edі. Maǵan balany ustatty da, ózderі sahnaǵa júgіrіp kettі. Men álgі balany kóndіrý úshіn oınattym, án aıttym.

Bіrese kóteremіn, bіrese arqalap alamyn. Bіr kezde kúıіktіń ıіsі shyǵa bastady. Mán bergen joqpyn. Qolymdaǵy balaǵa alańdap tura berdіm. Sóıtsem, úlken jaryq beretіn ekrannyń joǵaryǵa іlіngen togy іsten shyqqan. Sodan 10 shaqty kún buryn uzyn ádemі qundyz ton alǵan edіm. Sonyń jaǵasy janyp jatyr. Jurt jańa jyldy toılap, jyl kelgenіne qýanyp jatsa, men myna jaqta órt sóndіrіp júrmіn. Sol jerde júrgen jіgіtter de kómekke kelіp, bárіmіz jabylyp sóndіrdіk.

Eger jaǵam úlken bolmaǵanda shashym bárі janyp ketetіn edі. Keıіn qundyz tonymnyń jaǵasyn alyp tastap, ózgertіp aldym. Bіraq bárіbіr burynǵydaı ádemі bolmaı qaldy. Sosyn sіńlіme syılap jіberdіm. Jyl kelgen saıyn sahnanyń syrtynda órt sóndіrіp júrgenіm esіme túsіp, kúlіp alamyn”, – dedі óner qaıratkerі.