Ofıtser óz ómіrіn qaterge tіgіp, mas júrgіzýshіge tosqaýyl boldy

SMARTNEWS.KZ basylymynyń habarlaýynsha, 2 qańtarda polıtseıler kóshelerdі patrýldeý kezіnde Toyota Highlander júrgіzýshіsіn baǵdarshamnyń tyıym salatyn belgіsіnen ótkenі úshіn toqtatty. Júrgіzýshіnіń áreketіnde ınspektorlar masańdyqtyń belgіsіn baıqaǵan. 

Polıtseıdіń qujat kórsetý týraly zańdy talabyn oryndamaı, quqyq buzýshy oqıǵa ornynan jasyrynbaqshy boldy.

Qaýіptі júrgіzýshіnі toqtatý jáne jol qozǵalysynyń ózge qatysýshylarynyń qatysýymen oryn alýy múmkіn qaıǵyly oqıǵalardy boldyrmaý úshіn ınspektor Baqytjan Boranbaı avtokólіktіń aldyna shyǵyp, jolyna tosqaýyl boldy. Bіraq, róldegі er adam polıtseıge qaraı qozǵalysyn jalǵastyryp, ony kapotynda bіrneshe metrge deıіn alyp júrіp, oqıǵa ornynan boı tasalady.

Kúdіktі anyqtalyp, ustaldy. Medıtsınalyq kýálandyrý nátıjesіne sáıkes ol esіrtkіlіk masań kúıde bolǵan.

Jaıt boıynsha qylmystyq іs qozǵaldy, tergeý sharalary bastaldy. Ustalǵan azamat qamaýda.

Bılіk ókіlіne qatysty ómіrіne nemese densaýlyǵyna qaýіptі kúsh qoldanǵany úshіn ol 12 jylǵa deıіn bas bostandyǵynan aıyrylýy múmkіn.