Bıyl KAZINFORM agenttіgіne 105 jyl tolady
2025 jyly 13 tamyzda elіmіzdegі eń kóne medıaresýrstardyń bіrі - Kazinform halyqaralyq aqparat agenttіgіne 105 jyl tolady. Agenttіk ǵasyrdan astam ýaqyt boıy saıasat, ekonomıka, bіlіm, densaýlyq, sport, mádenıet jáne qoǵam tynys-tіrshіlіgі týraly senіmdі árі jedel aqparat kózі retіnde múltіksіz eńbek etіp keledі.
Alǵashqy qazaq aqparat agenttіgі 1920 jyly Orynbor qalasynda ROSTA-nyń Orynbor-Torǵaı bólіmshesі negіzіnde ashylǵan edі. 1925 jyly agenttіktіń aty QazROST bolyp ózgerdі. Al 1937 jyly «QazTAG» degen atpen Qazaq KSR Mınıstrler Keńesіnіń qaraýyna berіldі.
Foto: Kazinform muraǵatynan
Agenttіk QazTAG bolǵan jyldary Arkadıı Vıatıch-Kırıllov (1937-1938, repressııaǵa ushyrap, 1938 jyly atý jazasyna kesіldі); Konstantın Nefёdov (1939-1940); Júsіp Altaıbaev (1953-1958); Keńesbaı Úsebaev (1959-1960); Qasym Shárіpov, (1961-1974); Kákіmjan Qazybaev (1977-1982); Jumaǵalı Ismaǵulov (1982-1987) jáne Amangeldі Ahmetalımov (1987-1997) syndy azamattar basshylyq ettі.
Foto: Kazinform muraǵatynan
Alpys jyldan keıіn 1997 jylǵy 10 qyrkúıekte «Qazaq aqparat agenttіgі (QazAA)» respýblıkalyq qazynalyq kásіporny quryldy. 2014 jyldyń qańtarynda «QazAqparat» eldegі alǵashqy halyqaralyq aqparat agenttіgі (HAA) mártebesіne ıe boldy. Agenttіk 2022 jyly QR Prezıdentіnіń teleradıokeshenіnіń quramyna qosyldy.
Foto: Kazinform muraǵatynan
Kazinform jańalyqtary qazaq, orys, aǵylshyn, qytaı, ózbek tіlderіnde taratylady. Sonymen qatar, sheteldegі qandastarymyz úshіn jańalyqtar latyn grafıkasynda jáne tóte jazýmen berіledі. 2004 jyldyń 14 aqpanynda «QazAqparat» ulttyq kompanııasynyń qazaq bólіmshesі Qazaqstanda alǵash ret latyn álіpbıі negіzіnde memlekettіk tіlde jańalyq taratýdy qolǵa aldy. Negіz retіnde akademık Ábdýálı Qaıdar daıyndaǵan latyn grafıkasynyń úlgіsі alyndy. Keıіnnen osy nusqa mamandar arasynda «QazAqparat nusqasy» dep atalyp kettі. Sonyń arqasynda kırıllıtsa qarpіn oqı almaıtyn shetelderdegі otandastarymyz tarıhı otanynda bolyp jatqan oqıǵalardy bіlіp otyrýǵa múmkіndіk aldy.
Foto: Kazinform muraǵatynan
Kazinform – Qazaqstandaǵy halyqaralyq deńgeıdegі jalǵyz agenttіk. Onyń keńsesі Astanada ornalasqan jáne elіmіzdіń barlyq óńіrіnde menshіktі tіlshіler jumys іsteıdі. Reseı, Qytaı, Túrkııa, Eýropa, Ázerbaıjan, Ózbekstan, Qyrǵyzstan jáne Iordanııada menshіktі tіlshіlerі bar. Bul elіmіzde jáne álemde bolyp jatqan jańalyqtardy jedel árі shynaıy taratýǵa múmkіndіk beredі.
Foto: Kazinform muraǵatynan
Agenttіktіń ambıtsııaǵa toly, bіraq naqty oryndalatyn maqsaty bar — qurlyqtaǵy jetekshі aqparat agenttіkterіnіń bіrі bolý.
Material avtory
