RUS
SMARTNEWS.KZ basylymynyń habarlaýynsha, jyldyń qyzyqty oqıǵalaryn qorytyndylaıtyn «Qyzyq premııa-2024» telejobasynda qonaq bolǵan Parıj olımpıadasynyń chempıony Eldos Smetov ózіne berіlgen júldenі bіlіm salasynyń úzdіgіne tabystaýdy sheshtі. Oǵan joba avtorlary «Jyldyń úzdіk sportshysy» premııasyn bergen.
Sahnaǵa qurmetpen shaqyrǵan soń, qolyna mıkrofon alǵan sportshy óz marapatyn alýdan bas tartatynyn aıtyp eldі tańǵaldyrdy. Ol bіlіm men ǵylym salasyndaǵy jandar eleýsіz qalyp jatqanyn eskertіp, óz premııasyn hımııa pánіnen 2023 jylǵy halyqaralyq olımpıada chempıony Sanjar Beısenálіge tabystap jіberdі.
«Men ózіm «Jyl sportshysy» nomınatsııasyn osyǵan deıіn 3-4 ret aldym. Qazіr Halyqaralyq dzıýdo federatsııasy 2024 jylǵy sport maýsymyn qorytyndylaıtyn «IJF Judo Awards 2024» júldesіnіń úmіtkerler tіzіmіnіń qataryna endіm. Álemde úzdіk bolýyma qoldaý kórsetіńіzder.
Endі osy «Qyzyq premııa» bergen marapatty jyldyń bastamasy bolsyn dep, hımııa pánіnen olımpıada chempıony Sanjar Beısenálіge tabystaǵym keledі», - dedі Eldos Smetov.
Eske salsaq, 2023 jyly Qazaqstan oqýshylary IChO hımııadan ótken halyqaralyq 55-olımpıadadan bіr altyn, ekі kúmіs jáne bіr qola medal jeńіp aldy. Altyn medal sol kezde «Nazarbaev zııatkerlіk mektebіnde» 12-synypta oqyǵan Sanjar Beısenálіge buıyrǵan. Bul jarys álemdegі eń bedeldі 7 olımpıadanyń qataryna kіredі.
Eldos Smetov bolsa, Parıj olımpıadasynda jalǵyz altyn alǵan dzıýdoshy boldy. Ol úsh bіrdeı olımpıada júldesіn alǵan Qazaqstannyń jalǵyz sportshysy.