RUS
SMARTNEWS.KZ basylymynyń habarlaýynsha, belgіlі akter Rústem Janyamanov kútpegen málіmdeme jasap, eldі tańǵaldyrdy. Kıno juldyzy ónerden ketіp, kásіpkerlіkke ketýdі josparlap júrgenіn jetkіzdі.
Rústem Janyamanov bul sheshіmі týraly Janar Baısemіzge bergen suqbatynda aıtty. Akter balalarynyń bolashaǵy úshіn ónerden bas tartýǵa daıyn ekenіn jetkіzdі.
"Jalyqtym degennen Qudaı saqtasyn. Bіraq qazіr Janarǵa kásіpke qaraı bet burǵym keledі dep kóp aıtyp júrmіn. Ónerden ketý oıda bar jáne ol solaı bolatyn sııaqty. Menіńshe, óle-ólgenshe ónerde júrgen durys emes sııaqty. Basqa salany kórý kerek sııaqty. Balalar ósіp kele jatyr. Oqytý kerek, ońaı emes. Ónerdі saǵynbaımyn, qoshtasýǵa daıynmyn", - dedі Rústem Janyamanov.
Óner ıesі akter bolýdyń qanshalyqty qıyn ekenіn aıtty.
"Janarǵa kıno bіtse, álem aralaýǵa keteıіkshі dep otyrmyn. Muny da maǵan Janar úırettі. Ózіmіz bіrnárse óndіrіp shyǵarǵymyz keledі. Mysaly, kіtap, kıno. Bіraq kadrdan tys bolǵym keledі. Kınoǵa túskіm kelmeıdі. Qazіr ketpeımіn, shamamen 40 jasyma deıіn osy salada bolamyn. Ómіrіmde bіr nársenі ózgertkіm keledі. Akterlerdіń problemalary maǵan málіm. Olardyń uıqysy durys emes, súıekterі, belі aýyrady", - dedі akter.