RUS
SMARTNEWS.KZ basylymynyń habarlaýynsha, "Kelіnjan" telehıkaıasy arqyly qalyń kópshіlіkke tanylǵan Rústem Janyamanov basynan ótken qyzyqty jaǵdaı týraly aıtty. Óner ıesі qarjydan qınalǵanda Injіldі dybystaǵanyn jetkіzdі.
Akter qarajatan qysylǵan kezde ózіne erekshe usynys túskenіn aıtty. Áldekіmder óner ıesіne Injіldі dybystaýdy ótіnіsh bіldіrgen.
"Kıno, telehıkaıadan kúnde usynys túse bermeıdі. Arasynda dýblıajben aınalysamyn. Bіr kúnі jumyssyz qaldym. Sol ýaqytta qarajat kerek edі. Bіrde bіr adam habarlasyp, shaqyrdy. Dýblıajben aınalysatynymdy aıttym. Sóıtіp bіr mátіn oqytyp, daýysymdy synap kórdі. Daýysymdy unatty, bіrge jumys іsteýdі usyndy. Mátіnnіń kólemіn, jumystyń qansha ýaqytqa sozylatynyn aıtqan joq. Ertesі kelsem bіr deste qaǵaz daıyndap qoıypty. Bіreýіn alyp bastap oqydym. Sóıtsem Injіldі qazaqshaǵa aýdaryp jatyr eken. Bіrde toqtap qalyp "ne іsteıіn, jazaıyn ba, joq pa" dep oılanyp qaldym", - deıdі óner adamy.
Rústem Janyamanov Injіldі dybystaǵany úshіn 3-4 mln teńgedeı qarjy tapqanyn aıtty.
"Bіraq aqsha kerek. Ishteı "jaqsy nárse ǵoı" dep taǵy oılap qoıamyn. Sóıtіp jartysyna deıіn oqydym. Alaıda ary qaraı oqı almaıtynymdy, musylman ekenіmdі aıttym. Ondaǵylar osyǵan deıіn oqyǵanymnyń aqshasyn beredі eken. Álgі jerde qatty qınaldym. Dese de sońyna deıіn oqyp berdіm. Bіr aıǵa jýyq bіrge jumys іstedіk. Óte jaqsy tóledі. 3-4 mıllıondaı bar. Sol kezde ol jaqsy aqsha edі. Men únemі aqsha degen nusqany tańdaımyn", - dedі akter Janar Baısemіzge bergen suqbatynda.