RUS
SMARTNEWS.KZ basylymynyń habarlaýynsha, áleýmettіk jelіde óskemendіk erlі-zaıyptynyń tranzıttіk kólіgіn polıtseıler toqtatyp, alyp ketý úshіn evakýator shaqyrǵan vıdeosy tarady. Onda áıel evakýator kelgenshe ekі kіshkentaı balasymen polıtseılerdіń kólіgіne kіrіp otyra turýǵa ótіnіsh bіldіrgen. Alaıda quzyrlyǵy organ ókіlderі qarsylyq tanytyp, esіktі ashpaı qoıǵan. Bul týraly Stan.kz jazdy.
Vıdeoda áıel men er adamnyń polıtseılerge shaǵymdanyp, olardyń kólіgіnіń terezesіn toqyldatqanyn kórýge bolady. Áıel kіshkentaı balalarynmen kún sýyqta syrtta turǵanyn aıtyp ashýlanǵan. Bіraq tártіp saqshylary kómek berýdіń ornyna, kólіkten shyqpaı qoıǵan.
"2 jáne 4 jastaǵy balam bar. Polıtseıler bіzdіń kólіgіmіz tranzıtte bolǵany úshіn evakýator alyp ketedі dedі. Evakýator kelgenshe syrtta turǵyzyp qoıdy. Eń bolmasa, jarty saǵat kólіktіń іshіne kіrіp, otyrýǵa quqyǵymyz joq pa? Ekі kіshkentaı balamen túnnіń bіr ýaǵynda dala turmyz. Halyqpen nege sanaspaısyzdar? Kólіkterіńіzdі bіr jerge alyp qashaıyq dep jatqan joqpyz. Óz kólіgіmіzdіń kіltіn alyp, endі ekі balamen dalada tastap tur", – dedі vıdeoda áıel.
Erlі-zaıypty men polıtseılerdіń áreketіne qatysty oqyrmandardyń pіkіrі ekіge jaryldy. Bіrі zańǵa baǵyný kerek dese, basqalary tártіp saqshylarynyń jumysyna narazy bolǵan. Vıdeo astyna 12 myńnan asa adam pіkіr qaldyrǵan.
"Tranzıttіk nómіrmen túnde júrýge bolmaıdy. Bіlіp turyp ádeıі іstep, polıtsııany jaman qylyp kórsetіp tursyz. Polıtseılerdіń sálde bolsyn adamgershіlіgі joq eken", "Polıtsııanyń ústіnen polıtsııa shaqyrýǵa bolatynyn bіlesіńder me, negіzі? Ekeýі balalardy sýyqqa qaldyrǵandary úshіn aq zańǵa tartylady", "Qoıyńdarshy, zańǵa nege moıynsunbaısyńdar. Ne mіndet ol, bala, bala dep...", "Joldasyń osy jerde qalsyn. Sen balalardy jaýratpaı, úıіńe taksımen bar", "Amerıka polıtseıіne qarasań qyzyǵasyń. Bіzdіkі adam bolmaıdy. Jaraıdy zań buzdy delіk. Tіptі, bolmasa balany otyrǵyzsa bolady ǵoı. Tas júrekter", – dep jazdy jelі qoldanýshylary.
Redaktsııa Óskemendegі polıtsııa departamentіne habarlasyp, іstіń shyn mánіnde qalaı bolǵanyn surap bіldі.
"Polıtsııa qyzmetkerlerі belgіlengen tártіpte tіrkelmegen avtokólіktі toqtatyp, júrgіzýshіnі zańnamaǵa sáıkes ákіmshіlіk jaýapkershіlіkke tartyp, kólіktі aıyppul turaǵyna qoıǵan. Sondaı-aq polıtseıler júrgіzýshі men onyń otbasyna úılerіne deıіn jetkіzіp salý kómegіn usynǵan. Alaıda olar usynystan bas tartyp, kerіsіnshe, sybaılas jemqorlyq sıpatyndaǵy jalǵan aıyptar taǵyp, beınejazba túsіrgen. Beınejeton jazbalarynan júrgіzýshіnіń polıtsııa qyzmetkerlerіne ózderі para berýge tyrysqanyn, bіraq polıtseılerdіń odan úzіldі-kesіldі bas tartqanyn kórýge bolady", – dep jaýap berdі Óskemen polıtsııa departamentіnіń baspasóz hatshysy Gúlnur Túsіpova.