10 jastaǵy qyzdarǵa «Ǵashyq bolyp qaldym» dep jazǵan blogerge qatysty tekserіs júrgіzіlmek
Dınara Zakıeva ata-analardy qyraǵy bolýy shaqyrdy.
SMARTNEWS.KZ basylymynyń habarlaýynsha, Prokýratýra men quzyrly organdar bloger Qolǵanat Jumabaevtyń áreketіne qatysty tekserіs júrgіzedі. Er adamnyń 10-11 jastaǵy qyzdarǵa jazǵan hattaryn Qulpynaı Qalmenova jarııa etken edі. Bul týraly Stan.kz jazdy.
Bala quqyqtary jónіndegі ýákіl Dınara Zakıeva atalǵan derekke qatysty pіkіr bіldіrіp, blogermen baılanysqanyn málіmdedі.
"Atalǵan jaǵdaı boıynsha men jáne zańger keshe blogermen baılanysqa shyqtyq. Qalalyq prokýratýramen bіrge protsestіk sheshіm qabyldaý máselesі boıynsha jumys іstep jatyrmyz. Ýákіlettі organdarmen bіrlese otyryp, balalardyń quqyqtaryn qorǵaý úshіn barlyq qajettі sharalardy qabyldaımyz", – dep jazdy Dınara Zakıeva.
Sonymen qatar Dınara Zakıeva ata-analardy qyraǵy bolýy shaqyryp, balanyń kіmmen aralasatynyn baqylaýǵa, oǵan qaýіp-qaterler men sonyń іshіnde áleýmettіk jelіdegі qaýіpter jaıly aıtyp otyrýǵa shaqyrdy.
"Sondaı-aq 2023 jyldyń qyrkúıegіnde mektepterde engіzіlgen qaýіpsіzdіk sabaqtary aıasynda qaralatyn taqyryptardy talqylaý mańyzdy. Balalar qaýіpsіzdіgіne qatysty kez kelgen kúmándі jaǵdaılardy 102 nemese 111 nómіrlerіne habarlaý qajet", – dep qosty ýákіl.
Material avtory
